Þriðjudagurinn 26. júlí 2011

Danmörk: Rætt um aðild leyniþjónustunnar, PET, að útgáfu vopnaleyfa

Danska ríkis­stjórnin ætlar að breyta vopnalögum eftir voðaverkin í Noregi. Rætt er um að PET, danska leyniþjónustan, komi að útgáfu þeirra. Eva Smith, lagaprófessor telur þó ekki unnt að setja lög til að komast hjá því að gripið verði til ofbeldisverka í Danmörku eða gegn Dönum. Anders Behring Breivik hafði skotvopnaleyfi þegar hann felldi 68 manns á Útey.

Norski dómsmála­ráðherrann ber lof á lög­regluna - verjandi segir Breivik geðveikan

Knut Storberget, dómsmála­ráðherra Noregs, segir við NTB-fréttastofuna að hann muni beita sér fyrir því að lög­reglunni verði veitt aukið fé til að rannsaka spengjutilræðið og fjöldamorðin föstudaginn 22. júlí auk þess til að takast á við öryggisráðstafanir og annað sem nauðsynlegt sé eftir voðaverkin...

Höfuð­andstæðingar grískra stjórnmála nánir vinir

Höfuð­andstæðingar grískra stjórnmála eru nánir vinir frá æskuárum og herbergis­félagar á skóla­árum. Þetta kemur fram í Wall Street Journal í dag. Hér er um að ræða Georg Papandreou, forsætis­ráðherra og leiðtoga Sósíalista­flokksins, og Anatonis Samara, leiðtoga aðal­stjórnar­andstöðu­flokksins, Nýrra demókrata. Við munum stjórna Grikklandi saman segir blaðið að þeir hafi sagt á skóla­árum sínum.

Lítill hagvöxtur í Bretlandi-markaðir falla-kröfur um nýjar aðgerðir

Hagvöxtur í Bretlandi jókst um 0,2% á öðrum ársfjórðungi þessa árs. Financial Times segir að þetta þýði að nánast enginn hagvöxtur hafi verið frá því í september í fyrra. Pólitískur þrýstingur er að aukast á Osborne, fjármála­ráðherra um aðgerðir til þess að auka hagvöxt.