Föstudagurinn 19. ágúst 2011

Átta bankar hafa sagt upp 60 þúsund starfsmönnum á einum mánuði

Átta stórir bankar hafa sagt upp samtals 60 þúsund starfsmönnum á einum mánuði að því er fram kemur í Financial Times í dag. Í morgun var sagt frá því að Bank of America mundi segja upp 3500 starfsmönnum fyrir septemberlok en heildarfjöldi starfsmanna bankans var í ársbyrjun 280 þúsund manns.

Sverfur til stáls í landbúnaðarmálum vegna ESB-viðræðna

Þorsteinn Pálsson sem situr í viðræðu­nefnd Íslands við Evrópu­sambandið segir í samtali við Morgunblaðið föstudaginn 19. ágúst að engin spurning sé um mikinn ágreining innan ríkis­stjórnar­innar um hvernig haga eigi viðræðum um landbúnaðarmálum við ESB. Fulltrúar Bænda­samtaka Íslands sátu fund í sjáva...

Fleiri ríki vilja frekari tryggingar frá Grikkjum eins og Finnar fengu

Nú fjölgar þeim evruríkjum, sem vilja fá frekari tryggingar frá Grikklandi fyrir lánveitingum sínum til þeirra eins og Finnar hafa fengið og sagt hefur verið frá hér á Evrópu­vaktinni. Eins og fram kom í frétt hér í gær fylgdi Austurríki í kjölfarið og vildi fá sams konar tryggingar og Finnar en nú segir ekathimerini, gríski vefmiðillinn, að Holland, Slóvakía og Slóvenía hafi bætzt í hópinn.

Spiegel: FDP og CSU hafa ofnæmi fyrir „sameiginlegri efnahags­stjórn“ evruríkja

Samstarfsaðilar Kristilegra demókrata í Þýzkalandi hafa ofnæmi fyrir hugtakinu „sameiginleg efnahags­stjórn“ evruríkja, segir Spiegel í dag og á þá ekki bara við Frjálsa demókrata heldur líka CSU, svokallaðan systur­flokk Kristilegra í Bæjaralandi, sem er eins konar sjálfstæð eining undir hatti Kristilegra demókrata.

Lækkun í Kaupmannahöfn og um alla Evrópu

Hlutabréfa­markaðurinn í Kaupmannahöfn hefur ekki verið lægri frá því 30. desember 2009 að sögn Berlingske Tidende í morgun. Í gær lækkaði markaðurinn um 4,7%, í morgun var lækkunin á tímabili 4,6% en lagaðist síðan heldur og var lækkunin um 2,6% kl. rúmlega níu að íslenzkum tíma. Berlingske segir...

Markaðir halda áfram að falla: Ótti við nýja bankakreppu í Evrópu og samdrátt í Bandaríkjunum-skuldatryggingar á Þýzkaland hækka

Markaðir héldu áfram að falla í Evrópu i morgun. Reuters segir að ástæðan sé ótti við að nýtt samdráttarskeið sé í aðsigi í Bandaríkjunum og að skammtímafjármögnunarvandi banka í Evrópu leiði til nýrrar bankakreppu. Fjárfestar seja hluta­bréf en kaupa ríkisskulda­bréf Bandaríkjanna, Þýzkalands og Bretlands og gull.