Föstudagurinn 26. ágúst 2011

Japanskt skip flytur í fyrsta sinn járngrýti norðurleiðina til Kína

Í næstu viku leggur stærsta skip til þessa með lausafarm frá Múrkmansk í Rússlandi norðurleiðina um Norður-Íshaf til Kyrrahafs. Þá verður jafnframt um fyrstu ferð japansks skips um þessa siglingaleið.

Báðar siglingaleiðir í Norður-Íshafi opnar á sama tíma

Siglingaleiðir í Norður-Íshafi milli Kyrrahafs og Norður-Atlantshafs eru nú greiðfærar eftir að sumarís hefur bráðnað segir Richard Black, umhverfisfréttaritara BBC, og vísar til evrópskra gervihnattamynda. Black segir að gervihnettir Geimferða­stofnunar Evrópu sýni að norðvesturleiðin fyrir norðan Kanada og norðurleiðin fyrir norðan Rússland séu báðar færar samtímis.

Ekkert samkomulag um neyðarlán til Grikkja í þágu evrunna vegna kröfu Finna um tryggingu

Ríkis­stjórnir evru-landanna leituðu föstudaginn 26. ágúst að leið til að leysa deiluna sem sprottið hefur vegna kröfu Finna um sértryggingar vegna lána til Grikkja, Deilan kemur í veg fyrir að nýtt neyðarlán verði veitt Grikkjum. Háttsettir embættismenn í fjármálaráðuneyta evru-landanna efndu til s...

Finnar halda fast í kröfu sína um sértryggingar vegna lána til Grikkja

Finnar munu halda fast í kröfu sína um sérstaka tryggingu sér til handa vegna nýs neyðarláns evru-ríkjanna til Grikkja hvað sem líður fréttum um hið gagnstæða undanfarna daga.

Stjórn SUS: Þingmenn Sjálfstæðis­flokks með ESB „íhugi stöðu sína vandlega“

Stjórn Sambands ungra sjálfstæðis­manna (SUS) lýsir yfir stuðningi við ummæli Bjarna Benediktssonar, formanns Sjálfstæðis­flokksins, frá 14 ágúst sl. þess efnis að draga beri aðildarumsókn Íslands að Evrópu­sambandinu til baka.

Spánn: Verkalýðshreyfingin mótmælir stjórnar­skrárbreytingum

El Pais, spænska dagblaðið, segir að verkalýðshreyfingin á Spáni hafi hótað mótmælaaðgerðum gegn fyrirætlunum Zapateros um að setja í stjórnar­skrá ákvæði um að fjárlagahalli megi ekki fara yfir ákveðin mörk. Verkalýðshreyfingin segir að þetta muni skaða velferðarkerfið og takmarka svigrúm stjórnvalda í efnahagssveiflum.

Þingkosningar í Danmörku 15. september

Danir ganga til þingkosninga hinn 15. september n.k. að því er Lars Lökke Rasmussen, forsætis­ráðherra tilkynnti í morgun. Hann sagði að kosningarnar mundu snúast um varanlega velferð, sem Venstre og Íhalds­flokkurinn í samstarfi við Danska þjóða­flokkinn og Radikale Venstre hafi tryggt eða stjórnlausa...

FT: Evrubankar byggja á skammtímafjármögnun-þurfa að endurfjármagna tæpa 4000 milljarða evra innan árs

Gillian Tett, einn þekktasti fjármálasér­fræðingur Financial Times segir í blaði sínu í dag að 91 banki á evru­svæðinu þurfi að endurfjármagna 8000 milljarða evra á næstu árum. Þar af þurfi þeir að endurfjármagna 58% af þeirri upphæð á næstu tveimur árum og 47% innan árs.

Bretland:ESB-tilskipun kostar atvinnulífið 1,8 milljarða punda

Brezka viðskipta­ráðuneytið hefur reiknað út að ný tilskipun ESB, sem varðar réttindi fólks, sem starfar á vegum ráðningafyrirtækja og er leigt út til tímabundinna starfa í fyrirtækjum (agency workers)muni kosta fyrirtæki í Bretlandi um 1,8 milljarða punda á ári. Talsmenn atvinnuvega­samtaka í Bretlandi segja að þessi aukni kostnaður muni leiða til uppsagna.

Markaðir lækka-beðið eftir ræðu Bernanke

Markaðirnir í Bandaríkjunum lokuðu í gærkvöldi þannig að Dow Jones lækkaði um 1,51% og Nasdaq um 1,95%. Í morgun opnuðu markaðir í Evrópu með lækkun, London um 0,69%, Frankfurt um 1,85% og París um 0,77%. BBC segir að fjármála­markaðir bíði nú í ofvæni eftir ræðu, sem Bernanke Seðlabanka­stjóri Ban...