Föstudagurinn 9. september 2011

Grikkland: Nöfn 6000 fyrirtækja, sem skulda skatta birt

Fjármála­ráðuneytið í Grikklandi birti í gær lista yfir 6000 fyrirtæki, sem skulda meira en 150 þúsund evrur í skatta. Efst á listanum er járnbrautarlestar­fyrirtæki, Hellenic Railways Organisation, sem skuldar 1,26 milljarð evra í skatta. Þá eru á listanum 13 knattspyrnufélög og nokkur körfuboltafélög svo og fyrirtæki, sem sér um almenningssamgöngur.

Miss Mayawati á Indlandi vill láta loka Julian Assange inni á hæli

Indverski stjórnmálaleiðtoginn miss Mayawati er sökuð um það í skjali sem birst hefur á WikiLeaks að hafa sent tóma þotu eftir pari af sandölum. Hún neitar þessu og segir að Julian Assange sé orðinn snarbilaður. Í WikiLeaks-skjalinu segir að Mayawati hafi sent tómu þotuna frá Uttar Pradesh í Norðaustur Indlandi til Mumbai í vestri til að sækja þá tegund af sandölum sem henni líki best.

Evru­svæðið: Bankar neita að lána hver öðrum

Bankar í Evrópu neita að lána hver öðrum peninga af ótta við að fá ekki endurgreitt að sögn Financial Times i dag. Sér­fræðingar segja að bankaviðskipti hefðu stöðvast í Evrópu ef ekki kæmi til innspýting frá Seðlabanka Evrópu. Álag, sem evrubankar verða að greiða fyrir lánsfé til þriggja mánaða eða lengur hefur hækkað verulega.

Markaðir lækka-samdráttur í Japan-6,2% verðbólga í Kína

Markaðir í Evrópu lækkuðu við opnun í morgun og höfðu lækkað við lokun í Bandaríkjunum i gær.

Franska þingið fyrst til að samþykkja nýtt neyðarlán til Grikkja

Franska þingið er fyrsta þjóðþing evru-lands til að samþykkja nýjar neyðaraðgerðir til bjargar evrunni og Grikklandi á grundvelli niðurstöðu leiðtogafundar evru-ríkjanna 21. júlí. Öldunga­deild franska þingsins afgreiddi málið af sinni hálfu að kvöldi fimmtudags 8. september. Fyrr um daginn hafði ful...