Föstudagurinn 16. september 2011
| « 15. september |
■ 16. september 2011 |
» 17. september |
Fjármálaráðherra Bandaríkjanna deilir hart á vandræðagang innan evru-svæðisins
Timothy Geithner, fjármálaráðherra Bandaríkjanna, og Wolfgang Schäuble, fjármálaráðherra Þýskalands, deildu harkalega um leiðir í ríkisfjármálum og efnahagsmálum á fundi í Wroclaw í Póllandi föstudaginn 16. september. Geithner taldi að „hrikaleg áhætta“ á fjármálamörkuðum væri tekin með því að bregð...
Lánsgreiðslu til Grikkja frestað - ríkissjóður nálgast greiðsluþrot
Ákveðið að fresta því að veita Grikkjum fé samkvæmt gildandi neyðarláni þar til í október.
Margrét Vestager í lykilstöðu í dönskum stjórnmálum
Margrét Vestager, leiðtogi Radikale Venstre er í lykilstöðu í dönskum stjórnmálum eftir kosningarnar í gær að sögn Berlingske Tidende í morgun. Blaðið segir, að hún hafi átt mestan þátt í þeim umskiptum í dönskum stjórnmálum, sem nú hafi orðið. Hún muni hafa mikil áhrif á stjórnarmyndunina sjálfa og vera í aðstöðu til að knýja jafnaðarmenn til að sýna meiri ábyrgð í efnahagsmálum en ella.
Mikil verðlækkun á sumarhúsum í Suður-Evrópu
Verð á sumarhúsum (second homes) í Suður-Evrópu hefur lækkað mjög í fjármálakreppunni að sögn Wall Street Journal í morgun. Blaðið segir að slíkar fasteignir á Spáni, í Portúgal, á Ítalíu og Grikklandi hafi lækkað um 15-30% í verði.
Reuters: Geithner vill skuldsetja neyðarsjóðinn til að bjarga evruríkjum
Reuters segir að Timothy Geithner, fjármálaráðherra Bandaríkjanna hafi þrýst á fjármálaráðherra evruríkjanna á fundi í Póllandi í morgun að skuldsetja neyðarsjóð ESB til þess að bjarga evruríkjum í vanda.
Robert Aliber efast um að evran henti íslenzka hagkerfinu til lengri tíma
Robert Aliber, fyrrverandi prófessor í hagfræði við Chicago-háskóla, segir i viðtali við Fréttablaðið í dag eftir að hafa lýst þeirri skoðun, að Ísland eigi að ganga í Evrópusambandið: "Ég held hins vegar að það sé ekki skynsamlegt fyrir Íslendinga að taka upp evru meðan óvissan er jafn mikil og raun ber vitni á evrusvæðinu.
Baráttuaðferð ESB og íslenzkir hagsmunir
Baráttuaðferð Evrópusambandsins og fulltrúa þess, hinna íslenzku ESB-sinna, er smátt og smátt að skýrast. Hún er fólgin í því að ganga út frá því sem vísu að i grundvallaratriðum vilji Íslendingar ganga i Evrópusambandið. Eina spurningin sé sú, hvað við þurfum að fá í einstökum málaflokkum til þess að verða sátt við aðild.
Er samstaða um einhver mál í herbúðum stjórnarflokkanna?
Ögmundur Jónasson og Jón Bjarnason virðast hafa einhverjar efasemdir um stjórnarráðsfrumvarpið, sem nú er eina áhugamál Jóhönnu Sigurðardóttur á vettvangi þjóðmálanna. Ögmundur upplýsti í gærkvöldi á Alþingi, að hann hefði gert fyrirvara við frumvarpið, þegar það var rætt í ríkisstjórn. Ætli það sé ástæðan fyrir því hvað Jóhanna leggur mikla áherzlu á að ná því fram?