Laugardagurinn 24. september 2011

Þorgerður Katrín: Ákveðnir aðilar hlakka yfir ástandinu á evru-mörkuðum vegna andstöðu við ESB

Þorgerður Katrín Gunnars­dóttir, þingmaður Sjálfstæðis­flokksins, segir „sorglegt að fylgjast með umræðunni hér heima og erlendis þar sem ákveðnir aðilar hlakki yfir ástandinu [á evrópskum fjármálamörkuðum vegna pólitískrar afstöðu til ESB. Það muni hins vegar allir tapa ef ekki takist að ná tökum á á...

Putin og Medvedev endurtaka stólaskipti í Kremlarkastala

Dmitri Medvedev, forseti Rússlands, lagði laugardaginn 24. september til að Vladimir Putin, forsætis­ráðherra og fyrrverandi forseti, yrði að nýju í framboði til forseta í kosningum árið 2012. Putin hefur gegnt embætti forsætis­ráðherra í fjögur ár. Hann lét af embætti forseta þar sem rússneska stjórn...

Fjármála­ráðherra Bandaríkjanna: Seðlabanki Evrópu hleypur í skarðið fyrir stjórnmálamenn

Timothy Geithner, fjármála­ráðherra Bandaríkjanna, sagði laugardaginn 24. september að Seðlabanki Evrópu (SE) hefði tekið að sér hlutverk leiðtoga Evrópu og gerði viðbrögð þeirra við vanda evrunnar marklítil. Geithner hrósaði seðlabankanum fyrir að hafa brugðist við sívaxandi skulda- og ríkisfjármál...

Formaður ESB-þingmanna: Andstæðingar ESB-aðildar fleiri og öflugri á Íslandi en stuðningsmenn

Cristian Dan Preda, formaður nefndar ESB-þingsins sem fylgist með aðildarviðræðunum við Ísland, sagði í utanríkis­mála­nefnd þingsins fimmtudaginn 22. september: „Þeir [Íslendingar sem eru andvígir aðild eru fleiri og öflugri en þeir sem styðja hana.“ Preda, sem er rúmenskur og í miðhægri­flokki ESB-þ...

Finnland: Samdráttur framundan-atvinnuleysi eykst

Nú stefnir í samdrátt í finnsku efnahagslífi skv. spám Pellervo Economic Research að því er fram kemur í Helsingin Sanomat. Þessi stofnun gerir ráð fyrir því, að verg landsframleiðsla í Finnlandi dragist saman um 1,5% á næsta ári og það muni leiða til aukins atvinnuleysis.

Grikkland: Samstarf stóru flokkanna á ný til umræðu

Samstarf stóru flokkanna í Grikklandi er á ný til umræðu að því er fram kemur á ekathimerini, sem segir orðróm um það jafn víðtækan í Aþenu og sögur um gjaldþrot Grikklands. Að þessu sinni er það Theodoros Pangalos, aðstoðar­forsætis­ráðherra Grikklands, sem hefur opnað umræður um samstarf PASOK og Nýs lýðræðis, flokks Samaras, sem er aðal stjórnar­andstöðu­flokkurinn.

Skotland: Háskólar sameinaðir í sparnaðarskyni

Skotar vinna nú að því að sameina háskóla í landinu í sparnaðarskyni. Nú er unnið að sameiningu Dundee og Abertay-háskóla á þann veg, að sá fyrr­nefndi yfirtaki starfsemi þess síðar­nefnda. Talsmenn háskólanna hafa staðfest þetta að því er fram kemur í The Scotsman í dag en jafnframt upplýst að óskir stjórnvalda hafi komið þeim á óvart og fara ekki leynt með óánægju sína.

Evrópa: Unnið um helgina að björgun bankanna-leitað til neyðar­sjóðs ESB og Miðausturlanda

Nú um þessa helgi vinna ríkis­stjórnir í Evrópu hörðum höndum við að afla fjár til að styrkja evrópsku bankana. Fjármálayfirvöld í Frakklandi segja, að um 20 evrópskir bankar þurfi á nýju eigin fé að halda. Frönsk stjórnvöld hafa leitað að nýjum fjárfestum í Miðausturlöndum en einnig er um það rætt að neyðar­sjóður ESB (EFSF) verði notaður til þess að hlaupa undir bagga með bönkunum.