Þriðjudagurinn 18. október 2011

ESB á þunnum ís vegna eftirgjafar gagnvart Íslendingum um aðlögun - svigrúm þrengist við framgang viðræðna

Meðal aðildarríkja og embættismanna Evrópu­sambandsins er vilji til þess að teygja túlkun á kröfum sambandsins um aðlögun af hálfu umsóknarríkis til móts við óskir íslenska utanríkis­ráðuneytisins. ESB telur ekki að horfið sé frá reglunum með víðri túlkun á þeim þótt menn séu ef til vill á þunnum ís.

Víðtæk verkföll í Grikklandi í vikunni

Víðtæk verkföll verða í Grikklandi í þessari viku að sögn gríska vefmiðilsins ekathimerini. Í dag byrja samgöngur að lamast að hluta til en stöðvun samgöngutækja, svo sem járnbrauta nær hámarki á morgun, miðvikudag. Segja má að allsherjarverkfall standi í Grikklandi á miðvikudag og fimmtudag. Tollgæzlumenn verða í verkfalli, sem getur leitt til skorts á nauðsynjavörum.

Moody´s segir horfur á lánshæfismati Frakka neikvæðar

Moody´s, lánshæfismats­fyrirtækið hefur sent frá sér viðvörun þess efnis, að mati á efnahagshorfum Frakka hafi verið breytt í neikvæðar, sem gæti verið undanfari þess að lánshæfismatið verði lækkað. Fjármála­ráðherra Frakka, Francois Baroin, hefur tjáð sig um málið og segir enga hættu á ferðum, Frakkar verði skrefi á undan í niðurskurði fjárlagahalla.

DIW í Berlín: Frakkland getur misst AAA verði neyðar­sjóður stækkaður-evru­svæðið splundrast

Í Berlín er starfandi rannsóknar­stofnun, sem nefnist DIW og er í hópi þeirra ráðgjafa, sem Angela Markel, kanslari leitar til. Þessi stofnun hefur varað við því skv. fréttum í Daily Telegraph í dag, að stækkun neyðar­sjóðs ESB (ESFS) úr 440 milljörðum evra í 2 trilljónir evra geti leitt til þess að Frakkland missi AAA lánshæfismat sitt.

Nú lækka allir markaðir

Markaðir í Bandaríkjunum, Asíu og Evrópu breyttu um stefnu eftir yfirlýsingar talsmanns Angelu Merkel og Schauble, fjármála­ráðherra Þýzkalands í gær þess efnis, að ekki mætti búast við að vandi evruríkjanna yrði leystur á leiðtogafundi ESB hinn 23. október n.k. Sú viðvörun kom í kjölfar fundar fjár...