Þriðjudagurinn 22. nóvember 2011

Merkel: Fyrst breyta sáttmála ESB síðan ræða um evru-skulda­bréf

Angela Merkel Þýskalandskanslari segir að frekar eigi að breyta sáttmála ESB en gefa út evru-skulda­bréf til að leysa skuldavanda evru-svæðisins. Hún segir að pólitísk lausn sé betri en evru-skulda­bréf. Ef til slíkra ætti að líta yrði fyrst að að sjá fyrir endann á kreppunni en ekki hefja útgáfu þeirra í henni miðri.

Reynt að berja í evru-brestina á mörgum vígstöðvum

Nýir forsætis­ráðherrar Ítalíu og Grikklands funduðu í Brussel og Lúxemborg þriðjudaginnn 22. nóvember til að sannfæra stjórnendur ESB og fulltrúa aðildarríkjanna um að þeir gætu tekist á við skuldavanda ríkja sinna. Athyglin beinist æ meira að Frakklandi og skuldastöðu franska ríkisins. Þá er hart ...

Olli Rehn: Viljum geta breytt fjárlagafrumvörpum skuldugra ríkja

Olli Rehn, var­forseti framkvæmda­stjórnar ESB og efnahags­stjóri, segir í viðtali við Le Monde þriðjudaginn 22. nóvember að fram komi tvíþættar tillögur frá framkvæmda­stjórninni miðvikudaginn 23. nóvember til að sigrast á evru-vandanum: annars vegar um að frá Brussel geti ESB-embættismenn gripið inn ...

Nýjar tillögur: ESB fái vald til að yfirtaka fjármála­stjórn ríkja í vanda

Í nýjum tillögum framkvæmda­stjórnar Evrópu­sambandsins, sem kynntar verða á morgun er gert ráð fyrir að ESB geti tekið yfir fjármála­stjórn ríkja, sem lenda í fjárhagsvanda. Þetta kemur fram í Irish Times í morgun. Skv. tillögunum, sem blaðið kveðst hafa séð er gert ráð fyrir að ESB geti blandað sér í framkvæmd fjármála­stefnu einstakra aðildarríkja í vanda og eftirlit með að þeirri stefnu sé fylgt.

NYTimes: Evran hefur fellt átta ríkis­stjórnir-verður Sarkozy næstur?

Evran hefur fellt átta ríkis­stjórnir í Evrópu, segir New York Times í morgun og bætir því við að Sarkozy, Frakklands­forseti, óttist að verða sá níundi. Ríkis­stjórnirnar átta, sem hafa fallið að mati blaðsins vegna óánægju kjósenda með aðhaldsaðgerðir og óvissu eru á Írlandi, í Danmörku, Grikklandi, Ítalíu, Spáni, Finnlandi, Portúgal og Slóvakíu.

Stóraukinn fjármálavandi í austurhluta Evrópu-Ungverjaland leitar til AGS

Stóraukinn fjármálavandi er að koma upp í Austur-Evrópu að sögn Daily Telegraph í morgun. Ungverjaland hefur leitað til Alþjóða gjaldeyris­sjóðsins um aðstoð, sem nemi 4 milljörðum evra. Ávöxtunarkrafan á tveggja ára ungversk ríkisskulda­bréf hefur hækkað í 7,5% á tveimur mánuðum. Blaðið segir hættu á að þessi vandi breiðist út til Úkraínu og Balkanskagans.

Markaðir: Meiri bjartsýni í Evrópu-svartsýni vestan hafs

Markaðir voru svartsýnir í Bandaríkjunum í gær, tvístígandi í Asíu í nótt en bjartsýnni í Evrópu í morgun.

Tvö helztu vandamál Kína: Skuldakreppa Evrópu og skuldir svæðis­stjórna

Kínverjar standa frammi fyrir tvenns konar vandamálum í efnahagsmálum að mati Alþjóða­bankans, annars vegar afleiðingum skuldakreppu Evrópu­ríkjanna og hins vegar miklum skuldum svæðisbundinna stjórna innan Kína. Þetta kemur fram á Reuters í morgun. Alþjóða­bankinn telur að draga muni úr vexti í Kína frá og með næsta ári.