Miðvikudagurinn 14. desember 2011
| « 13. desember |
■ 14. desember 2011 |
» 15. desember |
Framkvæmdastjórn ESB hefur samþykkt tillögu um hvernig staðið skuli að því að refsa ríkjum utan ESB sem ekki stunda sjálfbærar fiskveiðar og ógna þannig fiskistofnum innan 200 mílna Evrópusambandsins.
Þegar Icesave-málið var á döfinni veturinn 2008 til 2009 var því hvað eftir haldið fram að ekki væri unnt að leysa úr deilu Breta og Hollendinga við Íslendinga nema með samningum af því að ekki væri unnt að fá niðurstöðu dómstóls um réttartstöðu aðila í því.
Skotar vænta þess að framkvæmdastjórn ESB kynni miðvikudaginn 14. desember tillögu um refsiaðgerðir gegn Íslendingum og Færeyingum vegna makrílveiða þjóðanna. Tillagan verði síðan tekin til afgreiðslu á fundi sjávarútvegsráðherra ESB-ríkjanna 15. desember og hún verði einnig rædd í ESB-þinginu. Á ...
Írar hafa áhyggjur af afstöðu Breta-Cameron og Kenny töluðu saman í gærkvöldi
Írar hafa áhyggjur af afstöðu Breta á leiðtogafundinum í Brussel á írska hagsmuni, þar sem Bretland er aðal viðskiptaland Írlands. Í gærkvöldi töluðu þeir saman í síma, David Cameron og Enda Kenny, forsætisráðherra Írlands. Irish Times, sem segir frá þessu segir að samtalið hafi verið á jákvæðum nótum.
Guardian: Huhne tók tvisvar fram í fyrir Cameron - sagði hann ekki hafa haft umboð
Chris Huhne, orkumálaráðherra Frjálslynda flokksins tók tvisvar sinnum fram í fyrir Cameron, forsætisráðherra á ríkisstjórnarfundi í gær að sögn The Guardian í morgun. Orkumálaráðherrann hélt því fram að forsætisráðherrann hefði ekkert umboð haft til að beita neitunarvaldi gegn sáttmálabreytingum. Hann hefði aðeins haft umboð til að setja fram kröfur Breta.
Ítalir selja fimm ára bréf í dag-fyrsti prófsteinn skuldabréfamarkaða eftir leiðtogafund
Ítalir selja fimm ára bréf í dag og er sú sala fyrsta vísbending um viðbrögð skuldabréfamarkaða við niðurstöðum leiðtogafundar ESB fyrir helgi.
Fjármálamarkaðir heimsins hafa svarað fyrir sig og fellt sinn dóm um niðurstöður leiðtogafundar ESB fyrir helgi. Í dag seldu Ítalir lítið magn af fimm ára skuldabréfum fyrir 3 milljarða evra. Ávöxtunarkrafa markaðarins var 6,5%, aðeins lægri en krafan á eftirmarkaði á sambærilegum bréfum í gær en samt of há til þess að ítalska ríkið geti staðið undir slíkum fjármögnunarkostnaði til framtíðar.
Brottflutningur af landinu í hámarki-Jóhanna neitar
Jóhanna Sigurðardóttir, forsætisráðherra, segir að brottflutningur fólks frá landinu sé ekki meiri í ár en í meðalárferði. Hagtölur segja, að brottflutningur í ár sé annar mesti í sögunni. Flestir hafi flutt á brott árið 2009 en næstflestir á þessu ári. Það er orðið sérkenni á málflutningi forsætisráðherra að hún horfist ekki í augu við staðreyndir. Hvers vegna er það svona erfitt?