Föstudagurinn 23. desember 2011

Gorbatsjov meðal ræðumanna á mótmælafundi í Moskvu

Mikhail Gorbatsjov, síðasti leiðtogi Sovétríkjanna, er meðal þátttakenda í fjöldamótmælum.

Sarkozy skipar ráðherrum að taka sér stutt leyfi frá störfum og dveljast á heimaslóðum

Nicolas Sarkozy Frakklands­forseti hefur gefið ráðherrum fyrirmæli um að taka sem styst leyfi frá störfum um jól og áramót að sögn Le Figaro.

Finnar: Vígbúnaður og hættan af Rússum til umræðu í forsetakosningabaráttunni

Umræður um öryggismál stöðu Finna gagnvart Rússum, Evrópu­sambandinu og NATO setja nokkurn svip á kosningabaráttuna sem nú er háð um finnska forsetaembættið. Síðustu daga hefur athygli beinst að hernaðarmætti Rússa og spurningunni um hvort hann sé að aukast í nágrenni Finnlands eða ekki.

Yfirleitt hækkun á mörkuðum

Hækkun varð á fjármálamörkuðum í gær, nótt og í morgun nema í Japan, þar sem varð 0,77% lækkun í nótt. Evrópa opnaði í morgun með hækkun, London um 0,72%, Frankfurt með 0,69% og París með 1% hækkun.

Írskir ráðherrar gangast undir próf-Árangur í starfi mældur

Enda Kenny, forsætis­ráðherra Írlands, ætlar að láta ráðherra sína gangast undir eins konar próf á ársafmæli ríkis­stjórnar­innar í lok marz n.k. Þá eiga þeir að gera honum grein fyrir gerðum sínum á tilteknum sviðum. Forsætis­ráðherrann hefur sett upp deild innan forsætis­ráðuneytisins, sem hefur það ve...

Juppé: Bretar byrjuðu

Alain Juppé, utanríkis­ráðherra Frakklands reynir, að sögn Daily Telegraph að bera klæði á vopnin í deilum brezkra og franskra ráðamanna. Hann segir að neikvæð ummæli franskra ráðherra í garð Breta hafi fallið í hita augnabliksins en að Osborne, fjármála­ráðherra Breta hafi byrjað, þegar hann lýsti efasemdum um efnahagsstöðu Frakka.

Vaxandi bjartsýni um efnahagsþróun í Bandaríkjunum

Vaxandi bjartsýni er nú í Bandaríkjunum um efnahagshorfur á næsta ári að sögn Reuters-fréttastofunnar. Nú sé talið að efnahagskerfið komist í gegnum næsta ár án þess að fá nema smá skrámur vegna samdráttar í Evrópu. Vinnu­markaðurinn er að styrkjast og 3% hagvöxtur á ársgrundvelli var á síðasta fjórðungi ársins. Atvinnuleysi var 8,6% í nóvember, sem er minnsta atvinnuleysi í tvö og hálft ár.