Sunnudagurinn 25. desember 2011

David Cameron ber höfuð og herðar yfir keppinauta eftir að hann hafnaði aðild að evru-samningi

David Cameron, forsætis­ráðherra Bretlands, nýtur mun meiri vinsælda en keppinautar hans á hinum pólitíska vettvangi samkvæmt niðurstöðum ICM-könnunar fyrir The Guardian sem birt var á jóladag. 48% töldu að hann stæði sig vel í starfi en 43% voru öndverðrar skoðunar. Samkvæmt þessu er Cameron með fimm prósenstustig í plús þegar vinsældir hans eru metnar.

Lagarde áréttar skoðun sína um „hættuástand í efnahagsmálum“

Christine Lagarde, for­stjóri Alþjóða­gjaldeyris­sjóðsins, segir í samtali við franska blaðið Journald du dimanche á jóladag að „hættuástand ríki í efnahagsmálum heimsins“. Hún hefur áður flutt slík varnaðarorð en telur nú að leiðtogafundur ESB 9. desember hafi ekki tekið ákvarðanir sem beinist nægileg...

Beðið fyrir Filippusi drottningarmanni í jólamessu konungsfjöldskyldunnar

Beðið var fyrir hertoganum af Edinborg, Filippusi (90 ára), prinsi, drottningarmanni í Bretlandi, við messu að morgni jóladags í Sandringham-setri konungsfjölskyldunnar í Norfolk. Hertoginn er í Papworth-sjúkrahúsi í Cambridgeskíri eftir hjartaþræðingu að kvöldi Þorláksmessu.

DT: Papandreou ein af hetjum ársins 2011

Brezka dagblaðið Daily Telegraph hefur valið Papandreou, fyrrum forsætis­ráðherra Grikklands, eina af hetjum ársins 2011. Hann hafi orðið fórnarlamb fjármálakreppunnar og þvingaður til að segja af sér en hafi tekið afstöðu með lýðræði. Papandreou hafi staðið frammi fyrir vaxandi kröfum um erfiðar aðh...

Skotland: Deilt um tímasetningu og framkvæmd þjóðar­atkvæða­greiðslu um sjálfstæði

Stjórnvöld í London vilja ráða því, hvenær þjóðar­atkvæða­greiðsla fer fram í Skotlandi um sjálfstæði Skotlands. Skv. núgildandi lögum er þjóðar­atkvæða­greiðsla, sem ákveðin er af skozka þinginu einungis ráðgefandi. Skv. stjórnskipunarlögum í Bretlandi verður lagalega bindandi þjóðar­atkvæða­greiðsla að fara fram skv. ákvörðunum stjórnvalda í London.