Laugardagurinn 14. janúar 2012

Málgagn Páfagarðs gagnrýnir ákvörðun S&P - segir tímasetninguna „grunsamlega“

Í Osservatore Romano.málgagni Páfagarðs, var laugardaginn 14. janúar lýst efasemdum um réttmæti þess að mats­fyrirtækið Standard og Poor‘s veldi þennan tíma núna til að lækka lánshæfiseinkunn níu evru-ríkja. Í forsíðugrein undir fyrirsögninni „Grunsamleg tímasetning“ harmaði opinbert málgagn Páfag...

ESB-kynningarátak í breskum skólum vekur gagnrýni - ESB hafnar ásökunum um að stunda áróður

Gagnrýnt er í Bretlandi að ESB reyni að vinna sig í álit hjá skóla­börnum með því að dreifa áróðursefni í skóla­stofum. Meðal annars hefur bláum pennaveskjum með 12 gylltum stjörnum verið dreift í skólum um landið.

Risið á Sarkozy og Frökkum lækkar - kröfur um „nevru-svæði“ aukast

Lækkunin á lánshæfiseinkunn Frakklands hefur dýpkað gjána á milli norður og suður hluta Evrópu. Pólitísk staða Frakklands veikist en Þjóðverjar eflast í foryustusæti sínu innan evru-svæðisins. Þeir styrkja því enn stöðu sína við töku ákvarðana um framtíð evrunnar.

Forsætis­ráðherra Frakka: Stjórnin heldur sínu striki - lánshæfiseinkunn lækkuð vegna evru-vandans

François Fillon, forsætis­ráðherra Frakka, hefur gripið til varna fyrir efnahags­stefnu ríkis­stjórnar sinnar eftir að mats­fyrirtækið Standard og Poor‘s lækkaði einkunn hennar og lánshæfismat Frakklands 13. janúar 2012. Hann sagði að ríkis­stjórnin mundi vinna áfram að umbótum og lækkun skulda. BBC se...

Piris, lagasmiður ESB: Evru-samningurinn dugar ekki - framkvæmda­stjórn ESB máttlaus að mati dansks sendiherra

Jean-Claude Piris, fyrrverandi forstöðumaður lagasviðs ráðherraráðs ESB, hefur varað við því að evru-samningurinn (+fiscal compact+ eins og hann er nefndur á ensku) sem er í smíðum dugi ekki til að leysa úr fjármálakreppunni. „Þetta litla skjal sem nú er til umræðu er skref í rétta átt en dugar ekki til að leysa vandann.

Finnland: Aukið kynþáttahatur til umræðu í forsetakosningum

Hefur kynþáttahatur aukizt í Finnlandi? Þetta er spurning, sem nú er til umræðu í finnsku forsetakosningunum, sem fram fara á sunnudag eftir viku. Timo Soini, frambjóðandi Sannra Finna hefur verið beðinn að útskýra afstöðu sína til skoðana, sem einstakir þingmenn í flokki hans hafa sett fram og taldar eru til rasisma. Soini telur að kynþáttahatur hafi ekki aukizt í Finnlandi.

Grískir bankar leita að 15 milljörðum evra í nýju fé

Bankar í Grikklandi þurfa að finna 15 milljarða evra til að efla eiginfjárstöðu sína skv. nýrri skýrslu, sem ekathimerini segir frá í dag. Vefmiðillinn segir, að grísku bankarnir ætli að selja fasteignir, dóttur­fyrirtæki og jafnvel lánapakka til þess að uppfylla kröfur um betri eiginfjárstöðu.

Brotthvarf Skota kallar á breytingar segir fyrsti ráðherra Wales

Hugsanlegt sjálfstæði Skotlands er þegar farið að hafa áhrif á önnur aðildarríki Hins Sameinaða Konungdæmis á Bretlandseyjum. Þannig hefur Carwyn Jones, fyrsti ráðherra í heima­stjórn Wales sagt, að yfirgefi Skotland sambandsríkið verði að koma fram breytingum til þess að koma í veg fyrir að Englendingar verði allsráðandi innan þess.

Hluta­bréf féllu-evran lækkaði-fjárhagsgeta neyðar­sjóðs minnkar-áfall fyrir Sarkozy

Hluta­bréf féllu í verði og gengi evrunnar lækkaði í kjölfar frétta um lækkað lánshæfismat Frakklands og fleri evruríkja í gær. Sú ákvörðun veikir evruna og dregur úr möguleikum ESB til að koma til aðstoðar evruríkjum, sem eru í fjárhagsvanda.

Lántökukostnaður Ítala hækkar á ný

Ekki varð framhald á góðri útkomu á sölu ítalskra ríkisskulda­bréfa í fyrradag, fimmtudag í sambærilegu útboði Ítala í gær, föstudag, að því er fram kemur á Reuters í dag.