Föstudagurinn 24. febrúar 2012

Rússneski flotinn kaupir átta íslenska kafbáta fyrir 3,1 milljarð króna

Rússneski flotinn ætlar að kaupa átta íslenska kabáta; um er að ræða dvergkafbátinn frá Teledyne Gavia sem heitir á ensku Gavia Autonomous Underwater Vehicle (AUV). Blaðið Nezavismaya Gazeta segir að rússneska varnarmála­ráðuneytið ætli að kaupa kafbátana átta frá íslenska fyrirtækinu Teledyne ...

Flokksráðsfundur VG og ESB: Ögmundur vill ljúka viðræðum fyrir kosningar - Steingrímur segir makríl standa í ESB

Ögmundur Jónasson innaríkis­ráðherra krafðist þess á flokksráðsfundi vinstri-grænna (VG) föstudaginn 24. febrúar að ESB-aðildarviðræðunum yrði lokið fyrir næstu kosningar og greidd yrðu atkvæði um niðurstöðuna í þingkosningum í apríl 2013, koma þyrfti „þessu óþurftarmáli út úr heiminum“, segir á vefs...

Sautján skoskir skip­stjórar sektaðir um 141 milljón kr. vegna ólöglegra veiða á makríl og síld

Sautján skoskir skip­stjórar sem stunduðu ólöglegar veiðar á makríl og síld voru föstudaginn 24. febrúar sektaðir um 720.000 pund (141 m ISK) og þá hafa fiskvinnslur einnig verið sektaðar vegna þátttöku í svindlinu og samtals nema sektir skip­stjóranna og fyrirtækjanna um 1 milljón punda (196 m ISK). ...

Danmörk: ESB-dómstóllinn hefur þegar bannað skipulagt eftirlit með notkun manna á netinu til niðurhals eða samskipta

ESB-dómstóllinn hefur komist að þeirri niðurstöðu að bannað sé að fylgjast skipulega með umferð um sam­félagssíður (socíal networks Facebook o.s.frv.) eða á netinu. Dómurinn kynnti þessa niðurstöðu sína í síðustu viku þegar hann fjallaði um mál sem reis vegna kröfu um eftirlit með því hvort um niðurh...

Hvatt til að Serbía fái formlega stöðu umsóknarríkis gagnvart ESB

Þjóðverjar styðja eindregið umsókn Serba um aðild að ESB og leggja til að Serbía verði samþykkt sem umsóknarríki á leiðtogafundi ESB-ríkjanna í næstu viku.

Grikkland: Efnahagsbrota­deildin hefur rannsókn á peningaflutningum þingmanns

Gríska efnahagsbrota­deildin hefur hafið rannsókn á peningaflutningum grísks þingmanns, sem sagt var frá hér á Evrópu­vaktinni í gær en þingmaðurinn flutti eina milljón evra úr landi í maí á síðasta ári á sama tíma og stjórnvöld skoruðu á almenning að halda ró sinni og taka peninga ekki út úr bönkum.

Danmörk: Kratar á niðurleið-Venstre sækir fram

Danskir jafnaðarmenn eru enn á niðurleið í skoðanakönnunum. Í dag birtir Berlingske Tidende niðurstöðu könnunar, sem sýnir að þeir eru komnir í 20,2% fylgi og hafa misst 4,6% frá kosningum. Venstre er hins vegar með 34,3% sem er 7,6 prósentustigum meira fylgi en í síðustu kosningum.

Írland: Fjárlagamarkmið í hættu?

Írsk hugveita spáir 0,9% hagvexti á Írlandi á þessu ári. Hún segir jafnframt að verði vöxturinn minni hafi það áhrif á fjárlagamarkmið írsku ríkis­stjórnar­innar. Þannig sé ljóst að 0,5% hagvöxtur mundi stofna þeim fjárlagamarkmiðum í hættu.

Mario Draghi: Velferðarkerfi ESB-ríkja horfið-aðhald og kerfisbreyting eina leiðin

Mario Draghi, aðalbank­stjóri Seðlabanka Evrópu, segir í viðtali við Wall Street Journal í dag, að velferðarkerfi ESB-ríkja, sem byggðist á atvinnuöryggi og öryggisneti sé horfið og að það sé engin önnur leið fyrir Evrópu­ríkin en að beita aðhaldi í opinberum útgjöldum og koma fram kerfisbreytingum á vinnu­markaði.