Mánudagurinn 27. febrúar 2012

Ólafur Ragnar telur sér lýðræðislega og siðferðilega skylt að íhuga breytingu á ákvörðun sinni um að hætta sem forseti Íslands - segist „vinna frítt“ sitji hann áfram

Ólafur Ragnar Grímsson forseti Íslands ætlar að taka ákvörðun sína um að segja skilið við forsetaembættið til endurskoðunar.

Steingrímur J. veit ekki hvaða reynslu í stjórn fiskveiða sendiherra Íslands ætlar að miðla til ESB

Birgir Ármannsson, þingmaður Sjálfstæðis­flokksins, spurði Steingrím J. Sigfússon, sjávar­útvegs- og landbúnaðar­ráðherra, að því á alþingi mánudaginn 27. febrúar hvað fælist í þeim orðum sendiherra Íslands í Brussel að Íslendingar gætu miðlað reynslu af góðu stjórnkerfi í fiskveiðum til Evrópu­sambands...

Ágreiningur innan ríkis­stjórnar­innar um hraða í ESB-viðræðunum - utanríkis­ráðherra kennir „villiköttum“ VG um hægagang

Ágreiningur er innan ríkis­stjórnar­innar hvernig standa beri að viðræðum við ESB fram til þingkosninga í apríl 2013. Ögmundur Jónasson innanríkis­ráðherra hvatti til þess á fundi flokksráðs vinstri-grænna (VG) föstudaginn 24. febrúar að viðræðum við ESB yrði hraðað og þeim lokið fyrir lok kjörtímab...

DT: Kröfur „efnahagslegra kalvinista“ ESB á hendur Spáni ígildi sjálfsmorðs

Ambrose Evans-Pritchard, alþjóðlegur viðskiptarit­stjóri Daily Telegraph segir í blaði sínu í dag, að Mariano Rajoy, forsætis­ráðherra Spánar sé kominn að þeirri niðurstöðu eftir stuttan tíma í embætti að kröfur hinna „efnahagslegu kalvinista“ ESB um að lækka fjárlagahalla Spánar úr 8% í 4,4% á einu ári séu ígildi sjálfsmorðs.

Lækkandi markaðir

Markaðir í Evrópu eru ekki bjartsýnir á þessum mánudagsmorgni. London lækkaði um 0,56% við opnun í morgun, Frankfurt um 0,87% og París um 0,98%. Hong Kong lækkaði í nótt um 0,88% og Japan um 0,14% en Shanghai hækkaði um 0,30%.

G-20: Þrýst á Þjóðverja um meira fjárframlag

Fjármála­ráðherrar annarra G-20 ríkja lögðu hart að Þjóðverjum að leggja fram meira fé í neyðar­sjóði ESB á fundi þeirra um helgina. Misvísandi boð hafa borizt frá Þýzkalandi um afstöðu stjórnvalda þar. Þingmenn hafa sagt að aðhald í ríkisfjármálum einstakra evruríkja væri mikilvægara en aukið fé í neyðar­sjóði. Timothy Geithner, fjármála­ráðherra Bandaríkjanna segist ósammála þeirri skoðun.