Fimmtudagurinn 19. apríl 2012

Frakkar og Þjóðverjar vilja róttæka endurskoðun á Schengen-reglum - minnka ber embættismannavald í Brussel

Frakkar og Þjóðverjar hafa hafið baráttu innan ESB fyrir því að fá vald til að loka landamærum sínum í allt að 30 daga til að sporna við straumi innflytjenda yfir landamæri sín í skjóli Schengen-reglna um vega­bréfalausar ferðir.

Sjávar­útvegs­nefnd ESB-þingsins: Klagar Íslendinga fyrir Füle, vill stöðva aðildar­viðræðurnar og grípa til löndunarbanns á íslenskan fisk

Forráðamenn sjávar­útvegs­nefndar ESB-þingsins hafa hvatt Štefan Füle, stækkunar­stjóra ESB, til að stöðva aðildar­viðræðurnar fyrir Íslendinga þar til að sanngjörn lausn hafi náðst í makríldeilunni.

Léttir eftir góða sölu spænskra ríkisskulda­bréfa - sér­fræðingar útiloka ekki neyðarkall frá Madrid vegna skuldavanda

Stjórnmálamenn og fjármálamenn önduðu léttar síðdegis fimmtudaginn 19. apríl en áður vegna ástandsins á Spáni eftir að tókst að selja spænsk ríkisskulda­bréf fyrir lægra en 6% ávöxtunarkröfu og eftirspurn var meiri en framboð á bréfunum. Spænska ríkið seldi bréf fyrir 2,54 milljarða evrur, vextir á ...

Írland: Stór hópur kjósenda enn óákveðinn

Ný skoðanakönnun á Írlandi um afstöðu fólks til ríkisfjármálasamnings 25 ESB-ríkja, sem atkvæði verða greidd um hinn 31. maí n.k. gefur til kynna að stór hópur fólks sé enn óákveðinn að því er fram kemur í Irish Times í dag. Já segja 30%, nei segja 23% en 39% eru óákveðnir og 8% ætla ekki að kjósa. ...

Vanskil fyrirtækja og heimila stóraukast á Spáni

Vanskil lána á Spáni eru að stóraukast að því er fram kemur í Wall Street Journal í dag og hafa ekki verið meiri í 17 ár. Bæði fyrirtæki og heimili eru í greiðsluvanda. Í febrúar voru tæplega 144 milljarðar evra í meira en 90 daga vanskilum. Að auki kemur fram í frétt blaðsins að stöðugt dregur úr lánveitingum.

Holland: Lánshæfismat í hættu-lækkandi fasteignaverð-miklar skuldir heimila

Hollendingar eiga á hættu, að lánshæfismat hollenzka ríkisins verði lækkað að því er fram kemur í Daily Telegraph í dag. Einn af sér­fræðingum Fitch, lánshæfismats­fyrirtækisins telur að fyrsta skrefið verði að breyta horfum úr stöðugum í neikvæðar. Seðlabanka­stjóri Hollands segir að missi Holland AAA lánshæfismat sitt muni lántökukostnaður Hollendinga hækka um 100 punkta.

Spánn: Ávöxtunarkrafan á 10 ára bréfum 5,788%

Útboð á 10 ára skulda­bréfum spænska ríkisins fór fram í morgun og gekk vel. Krafan á 10 ára bréf reyndist 5,788% og því vel undir 6%, þótt hún hafi hækkað úr 5,4% í síðasta slíku útboði. Ekki var um háar upphæðir að ræða en um alla Evrópu biðu menn eftir því að sjá hver ávöxtunarkrafan yrði.