Laugardagurinn 19. maí 2012
Leiðtogar G8-ríkjanna: Vilja öflugt og samhent evru-samstarf með þátttöku Grikkja
Leiðtogar átta stærstu iðnríkja heims (G8-ríkjanna) áréttuðu laugardaginn 19. maí stuðning sinn við „öflugt og samhent“ evru-samstarf með þátttöku Grikkja. Þeir lögðu einnig áherslu á að vinna að hagvexti og aðhaldi í ríkisfjármálum. Barack Obama Bandaríkjaforseti bauð leiðtogum G8-ríkjanna til fun...
Alexis Tsipras, leiðtogi Syriza, bandalags vinstrisinna á Grikklandi, segir að neyðist Grikkir til að slíta evru-samstarfinu muni það leiða til hruns evru-kerfisins í heild.
Spánn: Opinber hallarekstur meiri en talið var
El Pais, spænska dagblaðið segir nýjar tölur benda til að halli á opinberum rekstri á Spáni á síðasta ári, sem talinn hefur verið 8,51% af vergri landsframleiðslu kunni að vera enn meiri vegna þess að rekstrarhalli einstakra svæðisstjórna hafi verið meiri en þær hafi gefið upp. Nýjar upplýsingar bendi til að Madrid hafi gefið upp tvo milljarða evra meira í tekjur en raun verði á.
Spiegel: Áhyggjur af fjárflótta frá Suður-Evrópu
Þýzka tímaritið Der Spiegel segir, að í Suður-Evrópu sé nú talin vaxandi hætta á fjárflótta úr bönkum (bank-run) og að sumir sérfræðingar telji nauðsynlegt að Seðlabanki Evrópu grípi tl aðgerða áður en í óefni verði komið. Fréttir frá Grikklandi og Spáni benda til þess að fólk taki jafnt og þétt sparifé sitt úr bönkum og komi því fyrir annars staðar.
Írland: Bankana vantar enn 4 milljarða evra
Sérfræðingar Deutsche Bank segja, að írskir bankar þurfi á að halda 4 milljörðum evra til viðbótar til að mæta útlánatöpum. Írsk stjórnvöld hafa lagt bönkunum til 63 milljarða evra á síðustu þremur árum. Þetta kemur fram í Daily Telegraph, sem segir efasemdir um, að Írland geti að óbreyttu sótt fé á alþjóðlega fjármálamarkaði frá ársbyrjun 2014 eins og að er stefnt.
Fundur G-8 ríkja: Obama og Hollande á einu máli um vaxtarstefnu
Fundur leiðtoga G-888 ríkjanna hófst í gærkvöldi með kvöldverði í Camp Davis. Honum lýkur í kvöld, laugardagskvöld en á morgun og mánudag sitja flestir leiðtoganna fund leiðtoga Atlantshafsbandalagsins í Chicago.
Pukur, græðgi og lítilmennska vegna IPA-styrkja
IPA-styrkir Evrópusambandsins eru til umræðu á alþingi á lokadögum þinghaldsins í vor. Þingmenn ræða annars vegar tillögu til þingsályktunar um heimild fyrir ríkisstjórnina til að semja um þessa styrki og hins vegar frumvarp til laga aðferðir við að veita styrkina og skattfrelsi þeirra.
Bændur og ESB IV: Málefnaleg barátta skilar árangri
„Það leynir sér ekki að það er byrjað að undirbúa aðlögun íslensks landbúnaðar að sameiginlegri landbúnaðarstefnu Evrópusambandsins,“ sagði Haraldur Benediktsson, formaður Bændasamtaka Íslands, við Morgunblaðið laugardaginn 5. maí 2012. Hann ræddi þar um fyrirhugaða kortagerð og undirbúning að landf...
Og enn lofar Jóhanna nýjum störfum!!
Atvinnuvandamálum Íslendinga hefur enn einu sinni verið bjargað. Jóhanna Sigurðardóttir, forsætisráðherra hefur gefið nýja yfirlýsingum um fjölgun starfa á næstu árum. Að vísu ber fjölmiðlum ekki saman um hve mörgum störfum hún lofaði í gær. Af fréttum RÚV mátti skilja að um 10 þúsund störf væri að ræða.