Föstudagurinn 15. júní 2012

Sendiherra Íslands í London ræðir makríldeiluna við fulltrúa ESB-ríkja - segir skipan nýs samningamanns til marks um vilja Íslendinga til sátta

Benedikt Jónsson, sendiherra Íslands í London, hitti fulltrúa evrópskra samtaka sem gæta hagsmuna uppsjávar­veiða fimmtudaginn 14. júní í London. Var rætt um skiptingu makríl­stofnsins í Norðaustur-Atlantshafi. Til fundarins var stofnað sameiginlega af sendiherranum og, Eilidh Whiteford, þingmanni Sko...

Norðmenn kaupa 52 bandarískar F-35 orrustuþotur fyrir 1200 milljarða ISK

Norska ríkið hefur staðfest kaup á fyrstu tveimur F-35 orrustuþotunum af 52 sem það ætlar að kaupa af Bandaríkjamönnum og þar sem gengið frá stærsta kaupsamningi í sögu sinni.

Mat­fyrirtækið Egan Jones lækkar lánshæfiseinkunn Frakklands vegna stefnu nýs forseta landsins

Hræðsla við útbreiðslu skuldavandans á evru-svæðinu hefur leitt til þess að alþjóðlegu mats­fyrirtækin Moody‘s og Egan Jones hafa lækkað lánshæfiseinkunnir fimm hollenskra banka og franska ríkisins. Nýr Frakklands­forseti er sagður bera hluta ábyrgðarinnar.

Le Figaro: ESB er lamað gagnvart evru-vandanum vegna hörkulegs ágreinings milli stjórnvalda í Berlín og París

Lánakostnaður spænska og ítalska ríkisins hækkar, deilur magnast milli Þjóðverja og Frakka. Jean-Marc Ayrault, forsætis­ráðherra Frakklands, gerir opinberlega atlögu að Angelu Merkel Þýskalandskanslara.

Moody´s lækkar lánshæfismat hollenzkra og belgískra banka

Moody´s hefur lækkað lánshæfismat hollenzkra og belgískra banka vegna stöðunnar á evru­svæðinu. Þar á meðal eru ING og ABN Amró. Langtímamat á ING, Rabobank, ABN, LeasePlan og KBC var lækkað um tvö stig og SNS um eitt. Moody´s segir að hollenzkir bankar standi frammi fyrir erfiðri stöðu á þessu ári og hugsanlega lengur.

Seðlabankar um allan heim í startholum til að auka peningaflæði ef nauðsyn krefur

Hlutabréfa­markaðir tóku mikinn kipp síðdegis í gær, þegar fréttir bárust um að seðlabankar víða um heim væru í startholunum að grípa inn ef staðan á mörkuðum þróaðist á versta veg eftir þingkosningarnar í Grikklandi á sunnudag. Embættismenn frá G-20 ríkjum (sem halda fund í Mexikó í næstu viku) staðfestu þetta við Reuters í gær.

Bretland: Englandsbanki dælir 100 milljörðum punda inn í bankana

Brezka ríkis­stjórnin og Englandsbanki hafa að undanförnu undirbúið lánveitingar Englandsbanka til banka þar í landi með lægri vöxtum en tíðkast á markaði til 3-4 ára en með skilmálum um að peningarnir verði notaðir til að auka lánveitingar til fyrirtækja og heimila. Þetta kom fram í ræðu Sir Mervyn King Englandsbanka­stjóra í Mansion House (ráðhúsi Lundúna) í gær.