Fimmtudagurinn 21. júní 2012

Moody´s lækkar lánshæfiseinkunn 15 stórbanka austan hafs og vestan

Moody‘s hefur lækkað lánshæfiseinkunn 15 banka og fjármála­stofnana í Evrópu og Bandaríkjunum.

Þýski stjórnlagadómstóllinn vill svigrúm til að skoða lögmæti ESM-samningsins - þýski forsetinn frestar undirritun laga

Stjórn og stjórnar­andstaða í Þýskalandi sömdu fimmtudaginn 21. júní um að staðfesta ríkisfjármálasamning ESB og samninginn um ESM, varanlegan björgunar­sjóð evrunnar. Stjórnlagadómstóll Þýskalands vill hins vegar fá ráðrúm til að meta hvort og hvenær ESM-samningurinn taki gildi. Inngrip stjórnlagadó...

Tvö alþjóðleg endurskoðendafyrirtækja telja að styðja þurfi spænska banka um 16 til 62 milljarða evra

Endurskoðenda­fyrirtæki telja að spænskir bankar þurfi allt að 62 milljörðum evra sér til bjargar. Það er innan 100 milljarða evra markanna sem evru-ráðherrahópurinn hefur lýst sig reiðubúinn að leggja fram til að tryggja bönkum á Spáni nægilegt eigið fé.

Berlusconi lætur í sér heyra-kosningar á Ítalíu?

Silvio Berlusconi hefur látið í sér heyra í fyrsta sinn frá því að hann hraktist frá völdum í nóvembermánuði sl. Hann er enn fomaður þess flokks, sem hann hefur leitt undanfarin ár og er einn þeirra flokka, sem standa að baki ríkis­stjórn Mario Monti. Berlusconi gefur nú til kynna að nýjar kosningar geti verið framundan á Ítalíu.

FT: Versnandi efnahagshorfur í Þýzkalandi

Efnahagshorfur í Þýzkalandi fara versnandi að sögn Financial Times í morgun, sem bendir til þess að sögn blaðsins að áhrifa evrukrísunnar sé farið að gæta þar. Sérstakur mælikvarði, sem byggir á upplýsingum frá innkaupa­stjórum bendir til þess að samdráttur sé jafn hraður nú í júní og hann var í maí en þá hafði hann ekki verið meiri í þrjú ár.

Spánn: Ávöxtunarkrafan hækkaði verulega í útboði í morgun

Spánverjar buðu út skulda­bréf á markaði í morgun. Þeir seldu 2,2 milljarða evra af fimm ára bréfum á 6,072% en í síðasta útboði var krafan á slík bréf 4,96%. Þriggja ára bréf fóru á 5,547% en í fyrra útboði á 4,876%. Tveggja ára bréf fóru á 4,706% en í fyrra útboði á 2,069%.

Grikkland: Ráðherrum fækkar úr 49 í 28-samstarfs­flokkar tilnefna ekki ráðherra

Antonis Samaras leggur fram ráðherralista sinn í Grikklandi í dag. Niðurstaða samstarfs­flokka hans, PASOK og Lýðræðislega vinstri flokksins varð sú, að tilnefna ekki ráðherra til setu í ríkis­stjórninni. Evangelos Venizelos þurfti að taka töluvert á í flokki sínum til að sannfæra þingmenn um að styðja ríkis­stjórnina án ráðherrastóla.