Mánudagurinn 16. júlí 2012

Deutsche Bank reynir að bjarga eigin skinni með samstarfi við rannsókn á vaxta­svindli

Fulltrúar Deutsche Bank, stærsta banka Þýskalands, vinna nú með þeim sem rannsaka svindlið á millibankavöxtum. Rekja má samvinnu bankans við eftirlitsaðila til þess að stjórnendur hans vilji leggja sig fram í því skyni að lækka hugsanlegar sektir á bankann.

Írski sjávar­útvegs­ráðherrann ræðst harkalega á Íslendinga og Færeyinga á ráðherrafundi í Brussel - krefst þess að makrílkröfur Íslendinga séu að engu hafðar

Simon Coveney, sjávar­útvegs­ráðherra Írlands, gagnrýndi Íslendinga og Færeyinga harðlega fyrir ofveiði á makríl á fundi sjávar­útvegs- og landbúnaðar­ráðherra ESB-ríkjanna í Brussel mánudaginn 16. júlí. Í frétt á vefsíðu írska ráðuneytisins segir að ráðherrann hafi séð til þess að makrílmálið hafi orði...

Stjórnlagadómstóll Þýzkalands: Úrskurður 12. september um gildistöku laga um ESM

Þýzki stjórnlagadómstóllinn mun kveða upp úrskurð hinn 12. september n.k. hvort hann frestar tímabundið gildistöku laga um ESM, hinn varanlega neyðar­sjóð ESB, sem á að taka til starfa fyrir lok þessa mánaðar. Að sögn Der Spiegel þýðir þetta að aðgerðir til bjargar evrunni verði í lausu lofti í tvo...

Mario Draghi boðar stefnubreytingu gagnvart eigendum skulda­bréfa banka-verði að taka á sig töp

Seðlabanki Evrópu er að breyta um stefnu í grundvallar­atriðum, þegar um er að ræða fall banka og hagsmuni eigenda helztu skulda­bréfa, sem slíkir bankar hafa gefið út. Hingað til hefur ekki mátt ræða það að eigendur skulda­bréfa verði fyrir töpum.

Þýzkaland: Uppreisn í stjórnar­flokkum gegn lánum til Spánar

Þýzka þingið, Bundestag, kemur saman til fundar á fimmtudag, til þess a greiða atkvæði um 100 milljarða evra lánveitingu til spænskra banka. Financial Times segir í dag ólíklegt að allir þingmenn, sem að ríkis­stjórn Angelu Merkel standa, greiði atkvæði með þeirri lánveitingu og að hún þurfi því á að halda atkvæðum stjórnar­andstöðunnar til þess að fá lánveitinguna samþykkta.

Skýrsla G-20 ríkja: Olíuverðssvindl til viðbótar vaxta­svindli?

Skýrsla, sem unnin hefur verið á vegum G-20 ríkja hópsins hefur að sögn Daily Telegraph vakið upp spurningar um hvort fiktað hafi verið við markaðsverð á olíu ekki síður en á Libor-vöxtum. Blaðið segir að stjórnmálamenn og aðrir í Bretlandi hafi í gærkvöldi hvatt ríkis­stjórnina til þess að útvíkka rannsóknina á Libor-málinu þannig að hún nái einnig til olíuverðs.