Föstudagurinn 27. júlí 2012
Moody‘s lækkar lánshæfiseinkunn banka Slóveníu – ríkið þarf líklega neyðarlán
Moody‘s hefur lækkað lánshæfiseinkunn þriggja stærstu banka Slóveníu NLB (Nova Ljubljana Banka), Nova Kreditna Banka Maribor (NKBM) Abanka Vipa í vikunni. Þá eru horfur fyrir þá einnig sagðar neikvæðar. Þetta er í annað sinn á árinu sem lánshæfiseinkunn bankanna er lækkuð. Slóvenska ríkið er meirihluta eigandi allra bankanna. Að sögn fjölmiðla kemur þessi lækkun bankanna ekki á óvart.
Mitt Romney mislagðar hendur í London - Boris Johnson hendir gaman að honum
Forsetaframbjóðendur í Bandaríkjunum sem ekki hafa látið að sér kveða á alþjóðavettvangi leggja gjarnan land undir fót áður en lokaslagurinn hefst á heimavelli til að ræða við erlenda ráðamenn. Mitt Romney, frambjóðandi repúblíkana, er á slíku ferðalagi núna. London er fyrsti viðkomustaður hans í vikuferð til Bretlands, Ísraels og Póllands.
Fjármálaráðherra Lettlands: Grikkir segi sem allra fyrst skilið við evru-samstarfið
Andris Vilks, fjármálaráðherra Lettlands, vill að Grikkir segi skilið við evru-samstarfið „eins fljótt og kostur er“. Ráðherrann sagði þetta föstudaginn 27. júlí en Lettar stefna að því taka upp evru árið 2014. Segir Vilks að aðild Grikkja að evrunni grafi undan henni. „Finna verður leið til að kip...
Írar seldu 5,2 milljarða evra á markaði í gær fyrir 5,95%
Írar seldu 4,2 milljarða evra í skuldabréfum á markaði í gær og framlengdu einn milljarð til viðbótar í allt að átta ár.
Spánn: Rato svarar fyrir sig-beinir spjótum að sósíalistum og Seðlabanka Spánar
Rodrigo Rato, brottrekinn stjórnarformaður Bankia, spænska bankans, sem myndaður var með sameiningu nokkurra sparisjóða og komst svo í þrot, er nú byrjaður að svara fyrir sig en Rato er bæði fyrrverandi efnahagsráðherra Spánar og fyrrverandi forstjóri Alþjóða gjaldeyrissjóðsins.
Spánn: Atvinnuleysi eykst enn-5,7 milljónir án vinnu
Atvinnuleysi eykst enn á Spáni skv. nýjum tölum, sem BBC segir frá í morgun. Á öðrum fjórðungi ársins var atvinnuleysi 24,6% og hafði aukizt úr 24,4% á fyrsta fjórðungi ársins. Þetta þýðir að nú eru um 5,7 milljónir Spánverja án atvinnu.
Barclays-banki: Frekari rannsóknir á meintu misferli og ný málaferli í Bandaríkjunum
Barclays banki tilkynnti í morgun að brezka fjármálaeftirlitið hefði hafið nýja rannsókn á starfsemi bankans og starfsháttum fjögurra núverandi og fyrrverandi starfsmanna hans að því er fram kemur á Reuters.
Það er hægt að tala og tala en að lokum eru það verkin sem skipta máli
Það er hægt að tala og tala og allt talið veitir stundum stundarfrest frá vandamálunum en að lokum eru það bara verkin sem skipta máli. Frammi fyrir þessum veruleika standa forráðamenn evrusvæðisins nú. Eftir hrun í viðskiptum með spænsk ríkisskuldabréf fyrir og eftir helgi fóru spænskir ráðamenn í ferðalag til Berlínar og Parísar.
Romney og Cameron í sandkassaleik
Pólitíkin er öðrum þræði sandkassaleikur, hvort sem sá sandkassi er á smáeyju norður í höfum eða hjá heimsveldunum. Mitt Romney, sem er í framboði til að verða forseti í Bandaríkjunum kann sig ekki. Hann kemur til London og er boðið í Downingstræti en segir fyrst við bandaríska sjónvarpsstöð, að honum lítist nú eiginlega ekkert á þetta með Olympíuleikana, það sé eiginlega allt í klessu.