Sunnudagurinn 5. ágúst 2012

Krafist svara af dönsku ríkis­stjórninni um hvort gefin hafi verið fyrirmæli um halda mótmælum leyndum fyrir forseta Kína

Enhedslisten (Einingarlistinn) sem stendur að baki dönsku ríkis­stjórninni krefst upplýsinga um hve hátt innan danska stjórnkerfisins hafi verið ákveðið að vernda Hu Jintao, forseta Kína, fyrir allri gagnrýni þegar hann heimsótti Danmörku í júní sl. Morten Bødskov dómsmála­ráðherra ber að svara fyrir hönd ríkis­stjórnar­innar.

Grikkland: Öryggisgæsla fyrirmanna minnkuð til að 1500 lög­reglumenn geti ráðist gegn ólöglegum innflytjendum og glæpalýð í hjarta Aþenu

Grísk yfirvöld hafa ákveðið að 1500 lög­reglumenn sem hafa sinnt öryggisgæslu fyrir stjórnmálamenn og aðra sem talið hefur verið að hefðu þörf fyrir sérstaka vernd snúi sér nú að almennum löggæslustörfum í Aþenu einkum í þeim hluta miðborgarinnar sem komst fyrr á þessu ári á vald glæpamanna, eiturlyfjaneytenda og vændiskvenna.

Keppni ESB og Kínverja um aðgang að jarðefnum Grænlands líkt við stríð - stjórnkerfi ESB of þungt í vöfum - Grænlendingar sögðu skilið við ESB

Antonio Tajani, iðnaðarmála­stjóri ESB, segir að Kínverjar hafi þegar náð forskoti gagnvart Evrópu­sambandinu þegar litið sé til áhuga á að vinna fágæt jarðefni á Grænlandi; hinn ítalski framkvæma­stjórnar­maður ESB var á Grænlandi 16. júní sl. til að rita undir samning um hlut sambandsins í nýtingarrét...

Hvíta-Rússland: Bangsastríðið breiðist út-Danmörk og Noregur lýsa stuðningi við Svía

Svíum hefur nú borizt liðsauki í sífellt harðnandi átökum á milli þeirra og Hvíta-Rússlands. Utanríkis­ráðherra Dana, Villy Sovndal (Socialistisk Folkeparti) hefur lýst þeirri skoðun að viðbrögð Hvíta-Rússlands vegna „bangsainnrásarinnar“ séu óskiljanleg.

Þýzkaland: Vaxandi gagnrýni stjórnmálamanna á Seðlabanka Evrópu

Guido Westerwelle, utanríkis­ráðherra Þýzkalands og fyrrum leiðtogi Frjálsra demókrata (FDP) segir í viðtali við tímaritið Focus í Þýzkalandi, að hann sé andvígur víðtækara starfssviði ESM, hins varanlega neyðar­sjóðs ESB, sem nú er ráðgert að taki til starfa í september. Hann segist líka andvígur evruskulda­bréfum.