Þriðjudagurinn 14. ágúst 2012

Fulltrúi í ESB-viðræðu­nefnd utanríkis­ráðherra bætist í hóp efasemdarmanna um gagnsemi viðræðnanna - segir utanríkis­ráðherra halda vel á málum

Níu stuðningsmenn ríkis­stjórnar­innar af tólf í þing­flokki vinstri-grænna (VG) hafa lýst efasemdum um að rétt sé að halda óbreyttri stefnu í ESB-aðildarviðræðunum.

Austurríki: Milljarðamæringur boðar nýjan stjórnmála­flokk gegn evrunni

Frank Stronach (79 ára), austurrískur milljarðamæringur, ætlar að stofna nýjan stjórnmála­flokk í Austurríki með tvö meginmarkmið: að berjast gegn evrunni og spillingu. „Í lok september munum við kynna nýjan stjórnmála­flokk til sögunnar.

Bretland: Meirihluti þjóðar­innar telur áhrif ESB-aðildar neikvæð - 46% vilja ganga úr ESB

Ný könnun í Bretlandi, Angus Reid Public Opinion, sýnir að meirihluti svarenda telur að aðild landsins að ESB sé til ógagns fyrir þjóðina og næstum helmingur vill segja sig úr sambandinu. Í netkönnun meðal 2004 Breta sögðu 54% svarenda að ESB-aðild hefði verið neikvæð fyrir Bretland en aðeins 33% að hún sé jákvæð.

Noregur: Hvatt til aukinnar öryggisgæslu í ljósi fjöldamorðanna 22. júlí - aukafundar krafist í stórþinginu - Stoltenberg sætir gagnrýni

Rannsóknar­nefnd á voðaverkum Breiviks í Ósló og Útey 22. júlí 2011 skilaði skýrslu mánudaginn 13. ágúst. Þar er að finna harða gagnrýni á yfirvöld norskra öryggismála og þó sérstaklega lög­regluna vegna aðgæsluleysis og skorts á réttum viðbrögðum. Jens Stoltenberg, forsætis­ráðherra Noregs, viðurkenni...

Noregur: Vaxandi þrýstingur á Stoltenberg að segja af sér í kjölfar rannsóknarskýrslu

Vaxandi þrýstingur er nú í Noregi á Jens Stoltenberg, forsætis­ráðherra að segja af sér og axla þar með ábyrgð á atburðunum, sem urðu í miðborg Oslóar og á Útey á síðasta ári. Þessar kröfur koma fram í kjölfar mjög gagnrýninnar skýrslu rannsóknar­nefndar sem sett var á stofn vegna þessara atburða.

Holland: Sósíalistar líklegir sigurvegarar kosninga

Sósíalista­flokkurinn í Hollandi, sem er lengst til vinstri er líklegur sigurvegari í þingkosningum, sem fara fram þar í landi í næsta mánuði að því er fram kemur í Wall Street Journal í dag. Blaðið segir ástæðuna óánægju kjósenda með aðhalds­stefnu, sem sé undir áhrifum frá Þýzkalandi og björgunaraðgerðir vegna annarra evruríkja.

Gordon Brown: Sjálfstætt Skotland spor aftur á bak

Gordon Brown, fyrrverandi forsætis­ráðherra Bretlands, sagði í ræðu á alþjóðlegri bókamessu í Edinborg í gær, að sjálfstæði Skotlands yrði spor aftur á bak. Hann sagði samband Englands og Skotlands byggjast á sameiningu auðlinda og sameiginlegri nýtingu þeirra og benti á árangur reiðhólagengis Stóra-Bretlands á Olympíuleikunum sem dæmi um það að sameining auðlinda skilaði árangri.

Reuters: 0,3% hagvöxtur í Þýzkalandi-stöðnun í Frakklandi-0,2% samdráttur á evru­svæðinu

Hagvöxtur varð í Þýzkalandi á öðrum fjórðungi þessa árs en stöðnun í Frakklandi að þvi er fram kemur hjá Reuters-fréttastofunni í morgun. Um var að ræða 0,3% vöxt. Hins vegar hafa nýjar tölur um þróunina á þriðja fjórðungi ársins bent til minnkandi pantana, minni framleiðslu, minni innflutnings og útflutnings.