Laugardagurinn 18. ágúst 2012

Stefán Máni kynntur í Le Monde ásamt framvindu íslensks sam­félags

Série noire en Europe 6/6 er greina­flokkur sem franska blaðið Le Monde hefur birt og fjallar um sex höfunda spennusagnahöfunda frá jafnmörgum Evrópu­löndum.

Spánn: Ríkis­stjórnin íhugar beiðni um frekari ESB-aðstoð - vill að SE kaupi ríkisskulda­bréf

Seðlabanki Evrópu (SE) verður að kaupa spænsk ríkisskulda­bréf annars tekst ekki að lækka lántökukostnað ríkis­sjóðs Spánar eða tryggja framtíð evru-svæðisins. Þetta segir Luis de Guindos, efnahagsmála­ráðherra Spánar, við spænsku fréttastofuna EFE að sögn Reuters-fréttastofunnar.

Þýskaland: Meirihlutinn vill evru-aðild áfram

Meirihluti Þjóðverja vill halda í evru-aðild sýnir ný könnun sem birt verður í sunnudagblaði Frankfurter Allgemeine Zeitung 19. ágúst. Mestur er áhugi á evru-aðild hjá þeim sem eru virkir í stjórnmálum að sögn blaðsins. Kæmi til þjóðar­atkvæða­greiðslu um aðild Þjóðverja að evru-samstarfinu mundu 50%...

Sporgöngumaður Breiviks handtekinn í Tékklandi

Tékkneska lög­reglan hefur handtekið mann sem talið er að hafi stefnt að svipaðri árás á sam­félag sitt og Anders Behring Breivik gerði í Osló 22. júlí 2011. Lög­regla segist hafa fundið árásarriffil, sprengjuefni, skotfæri og einkennisbúning lög­reglu í íbúð hans. Hinn 29 ára gamli maður var handtekin...

Seðlabanka­stjóri Kýpur: Bankabandalag hjálpar smáríkjum með stór bankakerfi

Panicos Demetriades, seðlabanka­stjóri Kýpur segist í samtali við Wall Street Journal vonast til þess, að Evrópu­sambandið taki ákveðin skref í átt til myndunar bankabandalags fyrir lok þessa árs.

Frakkland: Sósíalistar sakaðir um að herma eftir Sarkozy vegna götuóeirða

Ríkis­stjórn sósíalista í Frakklandi liggur nú undir gagnrýni fyrir að nota sömu aðferðir og ríkis­stjórn Sarkozy, fyrrverandi forseta til þess að fást við götuóeirðir. Manuel Valls, innanríkis­ráðherra, fór í skyndiheimsókn fyrir nokkrum dögum til Amiens, bæjar fyrir norðan París, sem er með íbúafjölda á borð við Reykjavík og Kópavog samanlagt, þar sem ungmenni höfðu veitzt að lög­reglu.

Brezk þing­nefnd gagnrýnir Diamond harkalega-Englandsbanki „barnalegur“ og „aðgerðarlaus“

Brezk þing­nefnd sakar Bob Diamond, fyrrverandi for­stjóra Barclays-banka um að reyna að afvegaleiða brezka þingið í rannsókn á Libor-vaxta hneykslinu, sem byrjaði í Barclays. Hann hafi ekki verið hreinskilinn, hafi ekki talað út og hafi ekki uppfyllt þær kröfur, sem brezka þingið geri til þeirra, sem mæti í yfirheyrslu hjá þingmönnum. Þessar ásakanir koma fram í skýrslu um málið.

Grikkland: Tveggja ára frestun niðurskurðar þýðir hraðari endurreisn

Það mundi tryggja hraðari endurreisn Grikklands og að skuldastaða landsins yrði viðráðanlegri, ef lánardrottnar féllust á tveggja ára frestun á niðurskurði að upphæð 11,5 milljarðar evra. Þetta kemur fram í fréttum Reuters í morgun, sem byggir á frétt í gríska dagblaðinu Imerisia í dag um nýja útreikninga gríska fjármála­ráðuneytisins.