Þriðjudagurinn 21. ágúst 2012

Hollenskir jafnaðarmenn sýna ESB-óvild - fylgi þeirra eykst samkvæmt skoðanakönnunum

Emile Roemer er leiðtogi hollenskra jafnaðarmanna og margt bendir til að þeir hljóti meira fylgi en nokkru sinni þingkosningum í Hollandi 12. september. Hann hefur lýst yfir að hann muni ekki hlíta kröfum framkvæmda­stjórnar ESB um sektar­greiðslu hollenskra stjórnvalda vegna of mikils halla á ríkiss...

Julian Assange: Sænsk yfirvöld segja hann ekki verða framseldan til dauðarefsingar

Sænsk yfirvöld segja að þau muni ekki framselja Julian Assange til Bandaríkjanna ef hans kunni að bíða þar dauðarefsing. Litið er á þetta sem lítið skref í átt til lausnar á deilunni vegna dvalar Assange í sendiráði Ekvador í London.

Rúmenía: Forseti landsins sest aftur að völdum

Traian Basescu, forseti Rúmeníu, tekur aftur við embætti sínu eftir að hafa verið sviptur því tímabundið. Stjórnlagadómstóll landsins komst að þeirri niðurstöðu með sex atkvæðum gegn þremur að ógilda þjóðar­atkvæða­greiðsluna um brottvísun forsetans vegna dræmrar kjörsóknar.

Ögmundur vill ESB-málið á brott, segir það rífa þjóðina á hol - Jóhanna segir skort á „manndómi“ einkenna skoðun Ögmundar

Haft er eftir Ögmundi Jónassyni innanríkis­ráðherra á ruv.is þriðjudaginn 21. ágúst að aðildar­viðræðurnar við Evrópu­sambandið séu að „rífa þjóðina á hol“. Telur ráðherrann eðlilegt að ræða framhald aðildarviðræðnanna í ríkis­stjórn og á alþingi. Jóhanna Sigurðar­dóttir forsætis­ráðherra gefur til kynna ...

Finnlands­forseti: Höldum í evruna en förum varlega og án hroka

Sauli Niinistoe, forseti Finnlands, sagði þriðjudaginn 21. ágúst að það mundi ekki auðvelda lausn efnahagsvanda ríkjanna 17 á evru-svæðinu að Finnar segðu sig frá evru-samstarfinu. „Það er ekki til nein skjót eða auðveld lausn á evrópsku kreppunni. Ég er að minnsta kosti ekki með hana á takteinum,“ ...

Norska olíu­stofnunin stundar víðtækar rannsóknir í norðurhöfum

Aðfaranótt 10. ágúst lauk áhöfn rannsóknarskipsins Nordic Explorer söfnun 2D-skjálftagagna umhverfis Jan Mayen á vegum norsku olíu­stofnunarinnar, Oljedirektoratet (OD). Alls safnaði áhöfn skipsins upplýsingum á 9.470 km (64 línur) á svæðinu. Á vefsíðu OD segir Sissel Eriksen sem stjórnar olíuleit á...

Utanríkis­ráðherra Finnlands: Eftirlitsflug við Ísland við og við í stuttan tíma

Á fundi finnskra sendiherra í Helsinki í gær hafði Erkki Tuomioja, utanríkis­ráðherra Finnlands orð á áformum um að Finnar taki þátt í eftirlitsflugi við Ísland og sagði að það mundi fara fram við og við í stuttan tíma og augljóslega í friðsamlegum tilgangi.

Finnland: Tuomioja gagnrýninn á „vissa þætti“ í þjóð­félags­þróun í Rússlandi

Erkki Tuomioja, utanríkis­ráðherra Finnlands var gagnrýninn á vissa þætti í þjóð­félags­þróun í Rússlandi á fundi með sendiherrum Finnlands í Helsinki í gærmorgun. Skömmu síðar hitta hann að máli Sergei Lavrov, utanríkis­ráðherra Rússlands, sem talaði á fundi sendiherranna síðdegis í gær. Tuomioja vísaði ekki beint il dómsins yfir þremur meðlimum Pussy Riot.

El País: Neyðaraðstoð við Spán óhjákvæmileg-Skerðing lífeyris til umræðu

Spænska dagblaðið El Pais segir að einhvers konar björgunaraðstoð við Spán virðist nú óumflýjanleg. Blaðið segir að yfirlýsingar ráðamanna hafi verið misvísandi. Nú séu stjórnvöld hins vegar að ræða þann möguleika að lækka lífeyris­greiðslur, sem hingað til hafi verið taldar ósnertanlegar og frekari skattahækkanir séu einnig til umræðu.

Fulltrúi Þýzkalands í stjórn SE styður áform Draghi-í andstöðu við Bundesbank

Jörg Asmussen, fulltrúi Þýzkalands í banka­stjórn Seðlabanka Evrópu, segir að gjaldmiðill geti því aðeins verið stöðugur að enginn vafi leiki á framtíð hans. Hann hefur gefið til kynna, að hann muni veita áformum Mario Draghi, aðalbanka­stjóra SE um kaup á skulda­bréfum Spánar og Ítaliu fullan stuðning og gerir lítið með aðvaranir Bundesbank í því sambandi.