Föstudagurinn 31. ágúst 2012

Spænsk stjórnvöld stofna „vondan banka“ með öllum „eitruðum eignum“ skuldsettra banka landsins

Spænsk stjórnvöld hafa ákveðið að stofna „vondan banka“ þar sem öllum „eitruðum eignum“ skuldsettra banka landsins verður skipaður sess. Markmiðið er að með þessu léttist byrði bankanna og þeir verði betur í stakk búnir til að takast á við verkefni líðandi stundar og framtíðarinnar.

Ágreiningur magnast innan Seðlabanka Evrópu um kaup á ríkisskulda­bréfum - þýski seðlabanka­stjórinn hótar afsögn

Fjölmiðlar skýra frá því að seðlabanka­stjóri Þýskalands hafi íhugað að segja af sér til að mótmæla áformum Seðlabanka Evrópu (SE) um að kaupa ríkisskulda­bréf. Ráðamenn í Berlín vilja hins vegar ekki að hann hverfi úr starfi sínu án þess að hugað sé frekar að málinu.

Boris Berezovsky tapar milljarðamáli gegn Roman Abramovitsj í London

Roman Abramovitsj, rússneski auðkýfingurinn sem á Chelsea-knattspyrnu­félagsins, hefur unnið dómsmál gegn Boris Berezovsky, landflótta rússneskum auðkýfingi. Málið var rekið fyrir dómstóli í London þar sem Berezovsky (65 ára) býr. Hann taldi að Abramovitsj (45 ára) hefði svikið sig í viðskiptum.

Evru-svæðið: Fjöldi atvinnulausra í fyrsta sinn yfir 18 milljónir

Fjöldi atvinnulausra í evru-ríkjunum 17 fór yfir 18 milljónir manna í júli að sögn hagstofu ESB föstudaginn 31. ágúst. Atvinnulausum fjölgaði um 88.000 í júlímánuði en hlutfallið hélst hið sama og í júní 11,3% að sögn Eurostat. Tala atvinnulausra, 18.002.000 hefur ekki verið hærri síðan skýrslutaka...

Spánn: Valencia þarf 4,5 milljarða evra, Katalónía 5 milljarða og Murcia 300 milljónir evra

Valencia, eitt spænsku sjálfsstjónarsvæðanna tilkynnti í gær, að héraðið mundi sækja um eins milljarðs evra aðstoð til sérstaks neyðar­sjóðs fyrir héruðin, sem spænska ríkis­stjórnin hefur ákveðið að setja á fót. Áður hafði Valencia tilkynnt um 3,5 milljarða fjárþörf. Þessar óskir koma til viðbótar 5 milljörðum evra, sem Katalónía segist þurfa til þess að geta greitt skuldir sínar í ár.

Aþena: Lögrelumenn, slökkviliðsmenn og strandgæzla mótmæla í dag

Lög­reglumenn, slökkviliðsmenn og starfsmenn grísku strandgæzlunnar efna til mótmælafundar í Aþenu í dag vegna fyrirhugaðs frekari niðurskurðar í opinberum útgjöldum. Þetta kemur fram á ekathimerini í morgun. Þessir hópar eiga yfir höfði sér frekari lækkun launa, bónusa og hlunninda.

Átök um starfssvið sameiginlegs evrópsks fjármála­eftirlits milli Brussel og Berlínar

Financial Times segir í dag, að tillögur framkvæmda­stjórnar ESB um sameiginlegt fjármála­eftirlit fyrir svæðið allt muni leiða til átaka á milli framkvæmda­stjórnar­innar annars vegar og Þýzkalands og Seðlabanka Evrópu hins vegar. Síðar­nefndu aðilarnir hvetji til þess að rólega verði farið í myndun bankabandalags en framkvæmda­stjórnin geri ráð fyrir í tillögum sínum.

Wolfgang Schauble: Reynzlan sýnir að fjármála­fyrirtæki þurfa strangt eftirlit

Wolfgang Schauble, fjármála­ráðherra Þýzkalands segir í grein í Financial Times í dag að kjarni þess, sem læra megi af fjármálakreppunni, sem skall á haustið 2008 sé að eigið eftirlit og eins konar málamynda eftirlit virki ekki í fjármálageiranum. Án viðunandi regluverks og vandaðs eftirlits muni hagsmunir einstalinga og kerfisins rekast á.