Föstudagurinn 14. september 2012

Hugveita í London: Stöðva ber allar fiskveiðar innan ESB í fimm ár - eina leiðin til að gera veiðar sjálfbærar

Hugveita (þanka-tankur) í London, New Economics Foundation (NEF) hefur lagt til að allar fiskveiðar verði bannaðar innan lögsögu ESB, aðeins á þann veg verði unnt að bjarga fisk­stofnum, þeir yrðu sjálfbærir innan fimm ára.

Spánn: Ríkissjónvarpið gagnrýnt fyrir að birta frétt um gönguna í Barcelona sem fimmtu frétt

Ríkissjónvarpið á Spáni liggur nú undir ámæli fyrir að reyna að gera lítið úr kröfugöngunni í Barcelona sl. þriðjudag, en frétt um gönguna var fimmta frétt í kvöldfréttum Spánarsjónvarpsins.

NYTimes: Fjármálakreppan kallar fram skilnaðarkröfu í Katalóníu

Sl. þriðjudag tóku hundruðir þúsunda þátt í kröfugöngu í Barcelona á Spáni, þar sem krafizt var sjálfstæðis Katalóníu frá Spáni. New York Times segir að fjármálakreppan hafi kallað fram þjóðmenningarleg viðhorf og efnahagslega reiði, sem lengi hafi verið fyrir hendi í héraðinu, sem hafi eigið tungmál og finni til sérstakrar þjóðar­vitundar.

Spánn: Frakkar og Ítalir hvetja til umsóknar um neyðarlán-Þjóðverjar andvígir

Spánn liggur nú undir miklum þrýstingi frá öðrum aildarríkjum evru­svæðisins, þar sem togað er í báðar áttir. Fréttaritari Daily Telegraph í Brussel segir að Frakkar leggi hart að Spáni að sækja um neyðaraðstoð og kyngja þeim skilmálum, sem fylgi. Ein ástæðan er sú að Frakkland hafi lánað mikið til ríkjanna við Miðjarðarhaf.

DT: Skipulagður hópur þingmanna Íhalds­flokks vill knýja fram leiðtogakjör

Hópur þingmanna Íhalds­flokksins vinnur nú að því að fá fram leiðtogakjör í flokknum. Til þess þurfa 46 þingmenn að skrifa undir áskorun um slíka kosningu. Nú þegar hafa 12 þingmenn skrifað undir slíkt bréf. Þetta kemur fram í Daily Telegraph í morgun. Blaðið kveðst hafa talað við tvo þingmenn, sem hafi verið beðnir um að skrifa undir.