Föstudagurinn 28. september 2012

Frakkland: Sósíalistar boða inngrip til að knýja fram eigendaskipti ef ætlunin er að leggja niður arðbæra starfsemi

Á næstu mánuðum mum franska þingið taka afstöðu til stjórnar­frumvarps þar sem verður að finna ákvæði um bann við því að arðbærum fyrirtækjum sé lokað og starfsmönnum þeirra sagt upp án þess að áður sé kannað fyrir tilstilli ríkisins hvort annað fyrirtæki vilji hlaupa í skarðið og taka að sér reksturinn.

Grikkland: Samkomulag stjórna­flokkanna um 11,5 milljarða evra niðurskurð

Flokkarnir þrír sem standa að grísku ríkis­stjórninni náðu samkomulagi um „meginatriði“ nýrra aðhaldsaðgerða að kvöldi fimmtudags 27. september. Viðræður forystumanna flokkanna hafa staðið frá því eftir kosningarnar 17. júní og snúist um hvernig þeir geti orðið við kröfum þríeykisins, erlendra lánard...

Þýzkaland: Peer Steinbruck nýr leiðtogi SPD

Þýzka dagblaðið Bild heldur því fram, að jafnaðarmenn í Þýzkalandi (SPD) séu að komast að niðurstöðu um, hver verði leiðtogi flokksins í næstu þingkosningum þar í landi að ári. Blaðið segir að sá verði Peer Steinbruck, fyrrum fjármála­ráðherra. Þýzka fréttastofan dpa segir að Frank-Walter Steinmeier, sem leiddi kosningabaráttuna 2009 gefi ekki kost á sér í þetta hlutverk á ný.

Evrópa: Hluta­bréf hækka í verði vegna aðgerða Spánverja-áhyggjur af niðurstöðum álagsprófa

Verð hluta­bréfa hækkaði í Evrópu í morgun í kjölfar frétta um aðhaldsaðgerðir spænskra stjórnvalda. Wall Street Journal segir það endurspegla þá trú markaða að aðgerðirnar muni auðvelda lántöku Spánar hjá ESB/AGS/SE og halda lántökukostnaði Spánverja í skefjum.

Spánn: Laun fryst þriðja árið í röð-30% niðurskurður til landbúnaðar og menningar-skattur á happdrætti

Ríkis­stjórn Mariano Rajoy á Spáni hefur fryst laun opinberra starfsmanna þriðja árið í röð, skorið niður útgjöld til landbúnaðar og menningarmála um 30% og yfir­stjórn spænska hersins um 15%. Þessar aðgerðir koma að sögn Daily Telegraph til viðbótar 62 milljarða evra sparnaði, sem þegar er kominn til...

Frakkland: Hart fjárlaga­frumvarp kynnt í dag-30 milljarða evra sparnaður

Fyrsta fjárlaga­frumvarp ríkis­stjórnar Francois Hollande, forseta Frakklands, verður kynnt á ríkis­stjórnar­fundi í dag. Reuters segir að þetta verði hörðustu fjárlög í 30 ár. Markmiðið sé að tryggja sparnað sem nemi 30 milljörðum evra. Útgjöld verði fryst og skattar hækkaðir á hátekjufólk.