Föstudagurinn 16. nóvember 2012

Azor-eyjar: Kínverjar leita eftir aðstöðu - forsætis­ráðherrann skoðar bandarískan herflugvöll

Hinn 27. júní 2012 lenti flugvél með Wen Jiabao, forsætis­ráðherra Kína, af „tæknilegum ástæðum“ á Terceira-eyju í Azor-eyjaklasanum. Eftir að Alamo Meneses, héraðs­eftirlitsmaður með umhverfi hafsins, hafði tekið á móti hinum háttsetta Kínverja ferðaðist hann í fjóra tíma um eyjuna sem er undir stjór...

Vaclav Klaus: Grikkir eru öllum á evru-svæðinu til vandræða

Vaclav Klaus, forseti Tékklands, sagði við austurríska blaðið Presse fimmtudaginn 15. nóvember að hann teldi aðild Grikklands að evru-samstarfinu öllum aðildarlöndunum til vandræða. „ Ég bý ekki yfir neinum ráðum til Grikkja. Hitt er ljóst að Grikkir munu ekki leggja neitt gott til evru-samstarfsi...

LOT Póllandi: Fyrsta evrópska flug­félagið með Dreamliner

Pólska flug­félagið LOT hefur fengið afhenta fyrstu 787 Dreamliner-þotuna af átta. Boeing framleiðir þotuna sem er hin nýjasta hjá fyrirtækinu af farþegaþotum. Þotan er meðalstór og er smíðuð úr léttari efnum en eldri þotur og er ekki eins eldsneytisfrek og þær. LOT er fyrsta evrópska flug­félagið sem fær 787 Dreamliner. LOT tekur vélina í notkun á Evrópu­leiðum í desember.

Seðlabanka­stjóri Þýskalands útilokar ekki frekari afskriftir fyrir Grikki

Jens Weidmann, seðlabanka­stjóri Þýskalands, segir að hann muni ekki afdráttarlaust hafna frekari afskriftum af skuldum Grikkja. Hann segir hins vegar að ekki sé rétti tíminn nú til að ræða það mál en sá tími kunni að koma einn góðan veðurdag.

Frjálslyndir Svíar ætla að beita sér gegn Tonio Borg segja skoðanir hans hræðilegar

Birgitta Ohlsson, Evrópu­ráðherra Svíþjóðar, veittist föstudaginn 16. nóvember að Tonío Borg frá Möltu en hann er til­nefndur til að verða heilbrigðismála­stjóri ESB. Hún sagði að viðhorf hans til hjúskapar samkynhneigðara og fóstureyðingar væru „hræðileg“. Ohlsson gaf út yfirlýsingu þar sem sagði: „F...

Þessalóníka: Reiðir Grikkir skvettu kaffi á þýzka gesti, hentu í þá vatnsflöskum og eggjum og hrópuðu: Burt með nazistana

Reiðir starfsmenn sveitar­stjórna í Grikklandi stormuðu fund borgar­stjóra frá Þýzkalandi og Grikklandi í Þessalóníku í gær, sem átti að vera til marks um vináttu Grikkja og Þjóðverja. Hinir reiðu Grikkir lögðu undir sig fundarstaðinn og skvettu kaffi á hina þýzku gesti, köstuðu í þá vatnsflöskum og eggjum og hrópuðu að þeim ókvæðisorð. Hrópað var: Burt með nazistana. Óeirðalög­regla var kölluð til.

Evrópa: Samdrátturinn að breiðast út til kjarnaríkja á evru­svæðinu

Um 1,1% samdráttur varð í hollenzku efnahagslífi á þriðja fjórðungi þessa árs, sem birtist ekki sízt í mikilli lægð á húsnæðis­markaði. Samdráttur er að byrja í Austurríki og 1% efnahagslægð er gengin í garð í Finnlandi.