Laugardagurinn 24. nóvember 2012

Bretland: Tony Blair vonarstjarna þeirra sem vilja varðstöðu um ESB-aðildina

Tony Blair, fyrrverandi forsætis­ráðherra Breta, mun í næstu viku flytja ræðu á fundi forystumanna í bresku atvinnu- og viðskiptalífi sem vilja vinna að nýskipan mála innan ESB og hvetja til þess að Bretar segi ekki skilið við ESB heldur leitist við að sitja þar við háborðið og komi að töku meginákvarðana. Einangrun muni valda Bretum efnahagslegu tjóni og minnka áhrif þeirra á alþjóða­vettvangi.

Bretland: Börn tekin frá fósturforeldrum vegna andúðar UKIP á fjölmenningu

Michael Gove, menntamála­ráðherra Breta, ætlar að láta rannsaka stjórnsýslu hjá sveitar­stjórn sem lét fjarlægja þrjú fósturbörn af heimili þeirra af því að sveitar­stjórnin hafði áhyggjur af aðild fósturforeldranna að flokki sjálfstæðis­sinna í Bretlandi, UKIP; sem berst gegn aðild Breta að Evrópu­sambandinu. Andúð UKIP á fjölmenningarsam­félaginu réð ákvörðuninni.

Bresku blöðin bera lof á David Cameron fyrir festu gegn eyðsluklóm í Brussel - Stál-Cam segir The Sun

Lof er borið á David Cameron, forsætis­ráðherra Breta, í breskum blöðum laugardaginn 24, nóvember vegna framgöngu hans á fundi leiðtogaráðs ESB í Brussel fimmtudag og föstudag 22. og 23. nóvember þar sem hann hélt fast í kröfu um niðurskurð á langtíma-fjárlögum ESB. Götublaðið The Sun kallar hann „Ca...

Alaska: BP dregur úr rannsóknum-skattafríðindum hafnað

Brezka olíu­félagið BP ætlar að draga úr rannsóknum á olíu á svo­nefndu North Slope svæði, sem er norðarlega í Alaska vegna þess að fylkisþingið í Alaska hefur ekki fallizt á skattaívilnanir vegna þessara rannsókna. BP er eitt þriggja olíu­félaga, sem hafa barizt fyrir slíkum skattaívilnunum en til þessa það eina, sem hefur tilkynnt um samdrátt í rannsóknum, þar sem fríðindin hafi ekki fengizt.

Þýzkaland: Dvínandi stuðningur við Sjóræningja­flokkinn

Stuðningur við Sjóræningja­flokkinn í Þýzkalandi fer dvínandi að sögn Deutsche-Welle. Ein ástæðan er sú, að flokkurinn á í erfiðleikum með að útskýra stefnu sína gagnvart ungu fólki.

Barents Observer: 46 skip fóru norðurleiðina í ár-fjöldi skipa tífaldast á tveimur árum-flutningamagn eykst um 53% milli ára

Siglingatímabilinu um Norðurleiðina er að ljúka á þessu ári að sögn Barents Observer, sem segir að fleiri skip hafi farið þessa leð í ár en áður og meira magn af vörum flutt en nokkru sinni fyrr. Enn eru þó tveir finnskir ísbrjótar á ferð vegna flutninga um norðvesturleiðina frá Alaska til Danmerkur. Fjöldi skipa hefur tífaldast á tveimur árum og flutningsmagnið hefur aukizt um 53% milli ára.