Fimmtudagurinn 3. janúar 2013

Nýr, hljóðlátur rússneskur kjarnorkukafbátur

Rússar hafa í fyrstu viku nýs árs kynnt nýjan kjarknorkukafbát til sögunnar. Um er að ræða þriðja bátinn af hinni nýju Borei-gerð og ber hann nafnið Vladimir Monomakh. Reuters-fréttastofan segir að ætlunin sé að kafbátar af Borei-gerð komi í stað gamalla rússneskra kafbáta. Báturinn er 170 metra langur og getur farið niður á 480 metra dýpi.

Noregur: Stjórnar­andstaðan vill ræða við ESB um nýjan rammasamning um samstarf sem nái til EES og Schengen-samkomulagsins

Stjórnar­andstöðu­flokkarnir í Noregi lýsa áhuga á að ræða breytingar á samningum Noregs og ESB. „Ég styð bæði einföldun og sameiningu samninga,“ segir Peter Gitmark, þingmaður Hægri­flokksins, við norska blaðið Nationen fimmtudaginn 3. janúar. Helstu samningarnir sem um ræðir eru EES-samningurinn, Sch...

Finna­flokkurinn sækir á í Finnlandi, annar stærsti flokkurinn í desember

Könnun á fylgi stjórnmála­flokka í Finnlandi í desember sýnir að Finna­flokkurinn (Sannir Finnar) er vinsælli en nokkru sinni áður á árinu.

Portúgal: Forseti spyr hvort aðhaldsaðgerðir standist stjórnar­skrá-vill rannsókn

Cavaco Silva, forseti Portúgals sagði í nýársávarpi sínu að hann mundi óska eftir rannsókn Hæstaréttar Portúgals á því hvort fyrirhugaður niðurskurður og nýr skattur á lífeyri umfram 1350 evrur á mánuði eða um 230 þúsund íslenzkar krónur á mánuði samræmist stjórnar­skrá landsins. Forsetinn sagði í ræðu sinni að það væru til staðar vel ígrundaðar efasemdir um hvort dreifing byrðanna væri réttlát.

Lagarde-listinn: Náfrænka Papaconstantinou segir af sér

Eleni Papaconstantinou-Sikiaridis, náfrænka Papaconstantinou, fyrrum fjármála­ráðherra Grikklands, sem er sakaður um að hafa þurrkað nöfn náinna ættingja sinna út af Lagarde-listanum yfir meinta gríska skattsvikara, hefur sagt af sér starfi sem lög­fræðingur hjá einkavæðingar­nefnd gríska ríkisins.

Írland: Geðheilsa barna og ungmenna í hættu vegna kreppunnar

Heilbrigðisyfirvöld á Írlandi vara við því að geðheilsa ungs fólks sé undir miklu álagi vena efnahagsástandsins þar í landi. Martin Rogan, sem veitir forstöðu þeirri deild írsku heilbrigðiþjónustunnar segist skilja hinn efnahagslega veruleika, sem Írar standi frammi fyrir en það séu takmörk fyrir því hversu langt sé hægt að ganga án þess að eitthvað bresti.

Bandaríkin: AGS varar við of mikilli bjartsýni

Alþjóða gjaldeyris­sjóðurinn varar við of mikilli bjartsýni vegna áramótasamkomulagsins í Washington. Sjóðurinn segir mikið verk eftir til þess að styrkja efnahagsstöðu Bandaríkjanna. Sjóðurinn nefnir sérstaklega aðgerðir til að tryggja ríkis­sjóði Bandaríkjanna auknar tekjur auk þess að minnka þurfi útgjöld en jafnframt sé mikilvægt að hækka skuldaþakið.