Föstudagurinn 4. janúar 2013

Brigitte Bardot hótar að flytja til Rússlands nema lífi fíla verði þyrmt

Brigitte Bardot, franska kvikmynda­goðsögnin eins og hún er gjarnan kynnt, hótar að fylgja starfsbróður sínum Gérard Depardieu til Rússlands verði ekki orðið að kröfu hennar um að þyrma lífi fíla. Depardieu hefur fengið rússneskan ríkisborgararétt vegna flótta undan nýjum frönskum skattalögum.

Noregur: Jens Stoltenberg í vanda vegna krafna um endurskoðun á EES-samningnum - raunhæft eftir kosningar í september

Hér á Evrópu­vaktinni hefur verið sagt frá vilja stjórnar­andstöðu­flokkanna í Noregi þar á meðal Hægri­flokksins og Framfara­flokksins til að skoða af opnum huga tillögur framkvæmda­stjórnar ESB um breytingar á EES-samstarfinu til einföldunar. Aðild að þessu samstarfi er grundvöllur samstarfs vinstri flokkanna sem nú mynda stjórn í Noregi.

Depardieu fær rússneskan ríkisborgararétt - varla upphaf flótta auðmanna til Rússlands segir Le Figaro

Á vefsíðu forsetaskrifstofu Rússlands í Kreml birtist fimmutdaginn 3. janúar tilkynning um að Gérard Xavier Depardieu fæddur í Frakklandi 1948 fái að eigin ósk rússneskan ríkisborgararétt. Í Le Figaro föstudaginn 4. janúar segir að þessi tilkynning veki ýmsar spurningar. Enginn verði rússneskur rí...

Barroso: Evran hefur staðið af sér skuldakreppuna

Jose Manuel Barroso, forseti framkvæmda­stjórnar ESB segir að evran hafi staðið af sér skuldakreppuna og að fjárfestar séu nú sannfærðir um að það hafi tekizt. Þetta kom fram í ræðu, sem Barroso flutti í gær á fundi með portúgölskum diplómötum. Í ræðunni viðurkenndi Barroso, að Portúgal stæði frammi fyrir þjóð­félags­legu hættuástandi.

Noregur: Rússland stærsti markaður fyrir fiskafurðir

Rússland er orðinn stærsti markaður Norðmanna fyrir útflutning á fiskafurðum. Á síðasta ári jókst útflutningur Norðmanna til Rússlands á sjávar­afurðum um 15% og nam 6 milljörðum norskra króna. Í öðru sæti er Frakkland en útflutningur Norðmanna þangað nam 4,9 milljörðum norskra króna.

Ítalía: Mario Monti ræðst á andstæðinga sína til hægri og vinstri

Mario Monti, fráfarandi forsætis­ráðherra Ítalíu hefur nú breytt um tón og veitist að pólitískum andstæðngum sínum til hægri og vinstri að því er fram kemur í Financial Times. Hann gagnrýnir þá sem hann kallar „öfgamenn“ á báða bóga og segir þá hafa reynt að hindra umbætur á 13 mánaða forsætis­ráðherraferli hans.

Asíuþjóðir draga úr eignum sínum í evrum

Asíuþjóðir hafa dregið mjög úr eignum sínum í evrum að því er fram kemur í Daily Telegraph í dag.