Miðvikudagurinn 27. febrúar 2013

Ítalía: Skuldbindingar vegna ríkisfjármálasamningsins setja nýjum stjórnar­herrum skorður - huggunarefni fyrir ráðamenn ESB

Nýir stjórnar­herrar á Ítalíu, hverjir sem þeir verða að loknum kosningunum um síðustu helgi, þar sem ekki var tekið af skarið um meirihluta að baki nýrrar ríkis­stjórnar, hafa ekki sama svigrúm og áður til að taka ákvarðanir um stjórn ríkisfjármála.

Putin: Hætta á hervæðingu Norðurslóða

Vladimir Putin, forseti Rússlands, sagði í ræðu fyrr í dag, miðvikudag, að hætta væri á hervæðingu Norðurslóða. Þessi orð féllu í ræðu forsetans í varnarmála­ráðuneytinu í Moskvu. Hann segir að nú sé gerð tilraun til að breyta hinu „strategíska“ jafnvægi á einn eða annan veg.

Frakkland: Bókin um ástarævintýri með DSK ekki bönnuð - DSK dæmdar miskabætur fyrir brot á friðhelgi einkalífs

Dómari í París hefur hafnað kröfu frá Dominique Strauss-Kahn (DSK), fyrrv. for­stjóra Alþjóða­gjaldeyris­sjóðisns, um að banna sölu „fyrirlitlegrar“ bókar um ástarævintýri DSK með höfundinum Marcelu Iacub.

ESB: Brottkast bannað í áföngum á næturfundi sjávar­útvegs­ráðherra - heimilað við úthafsveiðar

Sjávar­útvegs­ráðherrar ESB-ríkjanna komust að samkomulagi um að banna brottkast fisks á erfiðum næturfundi í Brussel sem lauk undir morgun miðvikudaginn 27. febrúar. Bannið tekur gildi í áföngum frá með 1. janúar 2014 fyrir ákveðnar fisktegundir. Hugsanlega hafnar ESB-þingið niðurstöðu ráðherranna. ...

Danmörk: Danski þjóðar­flokkurinn með meira fylgi en jafnaðarmenn

Ný skoðanakönnun í Danmörku, sem Berlingske Tidende segir frá í morgun sýnir að Danski þjóða­flokkurinn (hægri flokkur) er orðinn stærri en jafnaðarmenn.

Írland: Eftirlaun ráðherra, embættismanna og stjórnenda lækkuð

Írska ríkis­stjórnin ætlar að lækka lífeyri fyrrum háttsettra stjórnmálamanna, embættismanna og stjórnenda ríkis­stofnana um 5% að því er fram kemur í Irish Times í dag.

Ítalía: Stökk út í óvissu sem boðar ekkert gott fyrir Evrópu

Ambrose Evans-Pritchard, alþjóðlegur viðskiptarit­stjóri Daily Telegraph segir í blaði sínu í dag, að viðbrögð í stjórnar­ráðum evruríkja vegna úrslita ítölsku þingkosninganna séu mjög á einn veg. Jose Manuel Garcia-Margallo, utanríkis­ráðherra Spánar segi að úrslitin varði öll evruríkin. Þau séu stökk út í óvissu, sem boði ekkert gott, hvorki fyrir Ítalíu né önnur Evrópu­ríki.

ESB: Sjávar­útvegs­ráðherrar héldu fast við bann við brottkasti

Sjávar­útvegs­ráðherrar ESB-ríkja samþykktu í nótt að halda fast við fyrri áform um bann við brottkasti. Þetta kemur fram í Guardian í morgun. BBC sagði í gær að svo gæti farið að sjávar­útvegs­ráðherrar ESB-ríkja mundu „útvatna“ áform um að banna algerlega brottkast á fiski. Tillögur um það komu fram fyrir nokkru og voru studdar af Evrópu­þinginu.

Spánn: Bankar hafa yfirtekið heimili 400 þúsund einstaklinga-fjögur sjálfsmorð í febrúar

Frá hausti 2008 hafa bankar á Spáni tekið í sínar hendur 400 þúsund húseignir og íbúðir og fjöldi þeirra eigna, sem bankarnir taka í sínar hendur eykst stöðugt. Frá þessu segir Reuters-fréttastofan, sem getur þess að um 80% af íbúum Spánar eigi sínar eigin íbúðir. Á þeim hvíla fasteignalán, sem nema um 600 milljörðum evra eða um tveimur þriðju af vergri landsframleiðslu Spánverja.