Sunnudagurinn 21. apríl 2013

Enn aukast óvinsældir Frakklandsforseta

Vinsældir François Hollandes Frakklandsforseta halda áfram að minnka þær drógust saman um sex prósentustig í apríl miðað við mars og eru nú 25% Frakka ánægðir með forsetann og er forsetinn óvinsælli tæpu ári eftir að hann var kosinn en Nicolas Sarkozy varð nokkru sinni á fimm ára forsetaferli sínum.

Gullverð í frjálsu falli

Gullverð er í frjálsu falli.

Svört skýrsla Citigroup um stöðu Grikkja og Kýpverja - Spánverjar og Ítalir í vítahring

Í nýrri greiningarskýrslu Citigroup (Citi) um stöðuna á Kýpur og Grikklandi er niðurstaðan sú að erfiðleikarnir við að fara að kröfum sem lúta að aðild að evru-samstarfinu verði svo miklir að bæði ríkin muni segja skilið við evruna. Í skýrslunni kemur fram að ótti á mörkuðum við fjármálalega stöðu landanna muni knýja á um nýjar og róttækar aðgerðir.

Kosovo: Serbar í Norður-Kosovo boða til mótmælafundar á morgun

Serbar í norðurhluta Kosovo segja að þeir muni ekki sætta sig við yfir­stjórn frá Pristina, sem gert er ráð fyrir í nýjum samningi sem Evópu­sambandið hefur haft forgöngu um. Þeir segja að mikill mótmælafundur Serba verði haldinn um hádegisbil á morgun, mánudag í Kosovksa Mitrovica sem er borg í norðurhluta landsins. Samningurinn sem þeir eru að mótmæla var undirritaður í Brussel sl.

Ítalía: „Tutti a casa“!-Farið heim hrópuðu mótmælendur fyrir utan þinghúsið í Róm

Tutti a casa-Farið heim hrópuðu mótmælendur með kreppta hnefa fyrir utan þinghúsið í Róm, að sögn Deutsche-Welle. Þar var bæði ungt fók og heilu fjölskyldurnar. Fréttastofan segir að þar hafi verið margir stuðningsmenn Beppe Grillo en ekki bara þeir heldur líka vonsviknir stuðningsmenn Lýðræðis­flokksin. Þeir kölluðu Bersani svikara.

Rússneskur vísindamaður: Uppbygging Norðurslóða óframkvæmanleg án kjarnorkuvera og kjarnorkuknúinna ísbrjóta

Þekktur rússneskur vísindamaður, Nikolay Lavyorov, telur uppbyggingu Norðurslóða óframkvæmanlega án kjarnorkuvera og kjarnorkuknúinna ísbrjóta. Þetta kemur fram á Barents Observer. Hann segir hlýnun ekki verða nógu mikla. Áætlanir um ísbráðnun séu stórlega ýktar.

Danmörk: Mikill fjöldi fólks frá Austur-Evrópu leitar eftir vinnu-þrátt fyrir verulegt atvinnuleysi

Mikill fjöldi fólks frá löndum Austur-Evrópu leitar nú til Danmerkur þrátt fyrir að þar sé umtalsvert atvinnuleysi. Samtök vinnuveitenda í Danmörku telja þetta óviðunandi að sögn BerlingskeTidende í morgun. Á sama tíma flytur fólk frá öðrum Norðurlöndum eða Vestur-Evrópu­löndum frá Danmörku til sinna heimaríkja, segir blaðið.

Observer: Minnkandi fylgi Verkamanna­flokksins-Ukip vex enn-Íhalds­flokkur bætir við sig

Ný skoðanakönnun í Bretlandi, sem Observer birtir í dag sýnir minnkandi fylgi Verkamanna­flokksns en vaxandi fylgi Ukip, (UK Independence Party). Fylgi Verkamanna­flokksins er komið niður í 35% en Ukip er komið í 17%. Íhalds­flokkurinn bætir heldur við sig og er nú í 29%. Frjálslyndir eru í 8%. Obse...