Miðvikudagurinn 24. apríl 2013
| « 23. apríl |
■ 24. apríl 2013 |
» 25. apríl |
Aðalsteinn Leifsson, kennari við Háskólann í Reykjavík, segir við AFP-fréttastofuna að ein af ástæðunum fyrir því að ESB-aðildarviðræðurnar hafi dregist á langinn sé andstaða VG við þær innan ríkisstjórnarinnar.
Ítalía: Enrico Letta falið að mynda ríkisstjórn
Þess er vænst að Enrico Letta verði næsti forsætisráðherra Ítalíu en Giorgio Napolitano Ítalíuforseti fól honum miðvikudaginn 24. apríl að mynda ríkisstjórn eftir tveggja mánaða stjórnarkreppu. Enrico Letta (f. 1966) er varaformaður Lýðræðisflokksins (mið-vinstri). Hann var kjörinn á ítalska þingið...
Kínverjar vilja fjárfesta í stórskipahöfn í Arkhangelsk
Kínverjar hafa áhuga á að fjárfesta í stórskipahöfn í Arkhangelsk í Rússlandi. Þeir hafa líka lýst áhuga á að fjárfesta í járnbrautarkerfi frá Hvítahafi til Komi til Uralfjalla. Stórskipahöfn í Arkhangelsk væri eðlilegur endapunktur slíks samgöngunets að því er vararíkisstjórinn í Arkhangelsk-héraði, Aleksey Alsufyev segir.
Reuters: Er rödd Frakklands að þagna?
Reuters-fréttastofan spyr í dag hvort rödd Frakklands í málefnum Evrópu sé að þagna. Haft er eftir forstöðumanni hugveitu í Brussel að Frakkland hafi smátt og smátt verið að hverfa. Aðrir viðmælendur Reuters segja að rödd Frakklands heyrist ekki lengur. Frakkar séu hvergi. Reuters minnir á í þessu samhengi að Frakkland hafi ásamt Þýzkalandi verið kjarninn í samstarfinu innan Evópusambandsins.
Ítalía: Forsetinn tilnefnir forsætisráðherraefni í dag
Gert er ráð fyrir að Giorgio Napolitano, endurkjörinn forseti Ítalíu, tilnefni forsætisráðherraefni í dag, sem fái það hlutverk að mynda nýja ríkisstjórn,sem talið er að muni njóta stuðnings bæði frá vinstri og hægri. Sá sem líklegastur er til að verða tilnefndur er Giuliano Amato, fyrrum forsætisráðherra, sem er sósíalisti og er að verða 75 ára. Forsetinn sjálfur er 87 ára.
Er einhver á móti því að þjóðin hafi síðasta orðið um það hvort viðræðum verði haldið áfram?
Það voru grundvallarmistök hjá Samfylkingu og Vinstri grænum að efna ekki til þjóðaratkvæðagreiðslu á árinu 2009 um það hvort Ísland ætti að sækja um aðild að Evrópusambandinu.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
Bjarni Harðarson, frambjóðandi Regnbogans hafði auðvitað rétt fyrir sér í því í sjónvarpsumræðunum í gærkvöldi, að það er sjálfsagt og eðlilegt að aðildarsinnar og andstæðingar aðildar takist á hér heima fyrir en óeðlilegt með öllu að erlent ríkjabandalag geti blandað sér í kosningabaráttuna á Íslandi með þeim hætti sem gert hefur verið í gegnum starfsemi Evrópustofu.