Laugardagurinn 11. maí 2013

Fjármála­ráðherra Frakka: Alþjóðlegt „risaskref“ gegn skattsvikum á næsta leiti

Alþjóða­sam­félagið er við það að taka „risakref“ í baráttunni gegn skattsvikum sagði Pierre Moscovici, fjármála­ráðherra Frakklands, laugardaginn 11. maí í tengslum við fund G7 ríkjanna á Bretlandi. „Mikill samhugur er um að gripið verði til virkra aðgerða til að tryggja að allir leggi sitt af mörkum ...

NASA notar vélmenni til jöklarannsókna á Grænlandi

Bandaríska geimferða­stofnunin NASA hefur nýlega tekið í notkun fjarstýrt vélmenni til að kanna ís og jökla á Grænlandi. Vélmennið líkist skriðdreka og er knúið sólarorku um borð í því er ratsjá. Frá þessu er sagt í norska blaðinu Nyteknik.

Olli Rehn hvetur til sameiningar Kýpur í eitt ríki

Olli Rehn, Finninn, sem fer með efnahagsmál í framkvæmda­stjórn ESB vill að hinir tveir hlutar Kýpur, tyrkneski hlutinn og lýðveldið Kýpur sameinist. Hann sagði sl. miðvikudag að sameining mundi ýta undir efnahaglega endurreisn eyjunnar. Frá þessu segir í euobserver. Ummæli Olli Rehn féllu á fundi með þingmönnum á Evrópu­þingi. Hann sagði tíma til kominn að endurnýja tilraunir til sameiningar.

Slóvenía: Skattar hækkaðir-ríkis­fyrirtæki seld

Ríkis­stjórn Slóveníu hefur gripið til aðgerða til þess að komast hjá því að leita eftir neyðarláni frá ESB/AGS/SE að því er fram kemur á Deutsche-Welle. Alenka Bratusek, forsætis­ráðherra, segir að þessar aðgerðir byggist á hækkun virðisaukaskatts úr 20% í 22% í júlí og sölu 15 ríkisfyrirtækja. Gert er ráð fyrir að þessar aðgerðir tryggi ríkinu 540 milljónir evra í auknum tekjum.

Finnland: YLE byrjar að útvarpa á Inari Sami, sem 400 einstaklingar tala

YLE er finnska ríkisútvarpið. Nú hefur sú deild þess sem þjónar Sömum í Finnlandi ákveðið að taka upp fréttaflutning á tungumáli, sem nefnist Inari Sami og er talað af um 400 einstaklingum, sem búa við Inari vatn í norðausturhorni Finnlands. Af þessum fjögur hundruð eru innan við 300 sem líta á þetta tungumál, sem sitt fyrsta tungumál.

Kýpur: Deilt um stöðu seðlabanka­stjóra

Á Kýpur hafa verið uppi kröfur um að Panicos Demetriades, seðlabanka­stjóri Kýpur segi af sér. Hann sagði hins vegar í fyrradag, að hann sæi enga ástæðu til þess. Á blaðamannafundi féllu orð hans á þann veg, að hann hefði sagt það áður og mundi endurtaka það nú að Seðlabanki Kýpur hafi gert allt sem hægt var að gera til þess að koma í veg fyrir enn verri kreppu en þó hafi orðið.

DT: Spánn er á barmi gjaldþrots skv. skýrslu AGS

Daily Telegraph segir í dag, að skýrsla á vegum Alþjóða gjaldeyris­sjóðsins, IMF Fiscal Monitor, sem út kom í síðasta mánuði, komist eins nálægt því að segja, að Spánn sé gjaldþrota, eins og hægt sé að búast við í opinberri skýrslu. Þetta sé ekki sagt berum orðum en nýjustu spár AGS feli þetta í sér.