Fimmtudagurinn 6. júní 2013

Óánægja Frakka með ESB og Hollande forseta magnast

Nær tveir þriðju Frakka telja ESB stefna í ranga átt og meira en helmingur þeirra eru andvígir François Hollande forseta segir í nýrri könnun sem birt var miðvikudaginn 5. júní. Gallup gerði könnunina í sex löndum. Þar kemur einnig fram að meirihluti Breta vill fara úr ESB, hærra hlutfall en nokkru ...

DT: Grikklandi var fórnað til að bjarga evrunni-Olli Rehn á að segja af sér

Ambrose Evans-Pritchard, alþjóðlegur viðskiptarit­stjóri Daily Telegraph segir í blaði sínu í dag, að Olli Rehn, fulltrúi í framkvæmda­stjórn ESB eigi að segja af sér í kjölfar gagnrýni Alþjóða gjaldeyris­sjóðsins á meðferð þríeykisins ESB/AGS/SE á Grikklandi og vandamálum þess. Evans-Pritchard talar um glæp gagnvart Grikkjum í þessu samhengi.

Ólafur Ragnar við þingsetningu: ESB skortir vilja og getu til að ljúka viðræðunum við Íslendinga - meirihluti þingmanna bundinn heiti um að Ísland verði utan ESB

Ólafur Ragnar Grímsson, forseti Íslands, sagði í ræðu við setningu alþingis að að litlu kynna að skipta hvort Ísland kysi að halda ESB-viðræðum áfram; ESB virtist í reynd skorta getu eða vilja til að ljúka þeim á næstu árum. Sagðist hann sannfærður um þetta eftir samtöl við fjölmarga evrópska áhrifamenn.

Gallup: Fólk upplifir ESB meir og meir sem utanaðkomandi ógnun

Gallup spáir því að kosningar til Evrópu­þings á næsta ári geti leitt til fjölgunar þingmanna róttækra þjóðernissinna og flokka, sem eru andvígir Evrópu­sambandinu. Könnunin nær til sex landa, Danmerkur, Frakklands, Þýzkalands, Hollands, Póllands og Bretlands.

FAO og OECD: Hætta á hækkandi matvælaverði

Tvær alþjóða­stofnanir, FAO (UN Food and Agricultrural Organization) og OECD, Efnahags- og framfara­stofnunin hafa varað við því að landbúnaðarframleiðsla sé ekki nægilega mikil til að koma í veg fyrir verðhækkanir þegar til lengri tíma sé litið. Í nýrri sameiginlegri skýrslu, sem birt var í morgun er því spáð að af þessum sökum geti verð hækkað um 10-40% á einum áratug.

ESB vill flytja ákvörðun um Libor til Parísar

Framkvæmda­stjórn Evrópu­sambandsins vill taka ákvörðun Libor-vaxta (London Interbank Offered Rate) sem verið hefur í höndum leiðandi banka í London úr höndum þeirra og flytja í hendur evrópskra eftirlitsaðila með aðsetur í París. Eins og fram hefur komið í fréttum kom upp mikið hneyksli í tengslum við ákvörðun þessara vaxta, sem reyndust ekki ráðast af markaðsaðstæðum, eins og talið var.

Frakkland: Atvinnuleysi eykst enn-komið í 10,8%

Atvinnuleysi í Frakklandi fer enn vaxandi. Nýjar tölur sýna, að það fór í 10,8% á fyrstu þremur mánuðum þessa árs. Jean-Marc Ayrault, forsætis­ráðherra Frakklands segir að ríkis­stjórn hans muni koma fram umbótum í Frakklandi á þann veg, sem hún telji henta bezt en ekki samkvæmt kröfum Evrópu­sambandsins.