Mánudagurinn 10. júní 2013

Lögreglu­stjóri á Möltu: Engin ástæða til að ákæra John Dalli

Lög­reglan á Möltu segir að ekki sé unnt að finna neitt sem sanni að John Dalli, fyrrverandi heilbrigðismála­stjóra ESB, hafi verið mútað af framleiðendum sænsks snúss. Peter Paul Zammit, lögreglu­stjóri á Möltu, segir við blaðið Malta Today að rannsókn á máli Dallis hafi ekki leitt neitt saknæmt í ljós og því sé engin ástæða til að ákæra hann.

„Risafallbyssa“ Seðlabanka Evrópu lögð í mat þýska stjórnlagadómstólsins - Draghi telur hana besta vopnið gegn evru-kreppunni

„Það er í raun mjög erfitt að komast hjá því að líta á OMT sem einna best heppnuðu peninga­stefnu-aðgerðina sem gripið hefur verið til á síðari tímum,“ sagði Mario Draghi, forseti ráðs Seðlabanka Evrópu (SE), í síðustu viku um þá ráðstöfun sem reynst hefur besta vopn SE í baráttunni við skuldakreppuna á evru-svæðinu.

Línur heims­stjórnmála lagðar á Obama-Xi-fundinum í eyðimörk Kaliforníu

Barack Obama Bandaríkja­forseti og Xi Jinping, nýr forseti Kína, hittust í fyrsta sinn á fundi í Kaliforníu 7. og 8. júní. Tilgangurinn var að leiðtogarnir fengju tækifæri til að kynnast og bera saman bækur sínar í því skyni að auðvelda framtíðarskamskipti sín og ríkja sinna. Sylvie Kauffmann, einn f...

Þýski varnarmála­ráðherrann í vandræðum vegna dróna

Thomas de Maiziére, varnarmála­ráðherra Þýskalands, á í vök að verjast vegna ásakana um að hann hafi ekki sinnt embættisskyldum sínum á viðunandi hátt við töku ákvarðana um drón-væðingu þýska hersins, Bundeswehr.

El País: Evrópu­þingið leggur þrýsting á Spán vegna húsnæðismála

Spæska dagblaðið El País segir að Evrópu­þingið leggi nú vaxandi þrýsting á stjórnvöld á Spáni vegna ástands húsnæðismála þar í landi.

Grikkir eru að ná árangri í ríkisfjármálum

Grikkir eru aö ná árangri í ríkisfjármálum að þvi er fram kemur á ekathimerini í dag. Tölur, sem birtar voru í morgun benda til að halli á fjárlögum fyrstu fimm mánuði þessa árs hafi verið 984 milljónir evra sem þýðir að hann er nær 60% lægri en á sama tíma á síðasta ári.

Þýzkaland: Weidmann og Asmussen takast á fyrir stjórnlagadómstólnum

Í þessari viku mun stjórnlagadómstóll Þýzkalands hlýða á vitnisburð í máli, sem höfðað hefur verið fyrir dómstólnum og snýst um það hvort loforð Seðlabanka Evrópu á siðasta ári um að bjarga evrunni sé brot á stjórnar­skrá Þýzkalands.