Miðvikudagurinn 12. júní 2013
Le Monde: Píratar á Íslandi í sviðsljósinu vegna uppljóstrana um NSA og landflótta Snowdens
Athygli hefur vakið víða um heim að Edward Snowden, uppljóstrari um njósnastarfsemi NSA, þjóðaröryggisstofnunar Bandaríkjanna, í netheimum sagði við blaðamann The Guardian í Hong Kong, en þangað flúði hann til að losna undan vörðum laganna í Bandaríkjunum, að hann vildi sækja um hæli í lýðræðislandi og hann nefndi þá Ísland.
ESB-þingið samþykkir nýjar reglur um móttöku hælisleitenda - taka gildi 2015
Eftir umræður í 13 ára hefur tekist samkomulag á vettvangi ESB um nýtt kerfi og reglur vegna hælisleitenda.
Dómsmálastjóri ESB vill skýr svör vegna bandarískrar njósnastarfsemi í netheimum
Viviane Reding, dómsmálastjóri ESB, sendi mánudaginn 11. júní bréf til Erics Holders, dómsmálaráðherra Bandaríkjanna, og krafðist skjótra svara um mikið njósnastarf Bandaríkjastjórnar í netheimum og varaði við „alvarlegum neikvæðum afleiðingum“ vegna þessa gagnvart réttindum fólks utan Bandaríkjanna...
El País: Evrópuþingið hvetur til aðgerða gegn útburði
Evrópuþingið samþykkti í gær að hvetja ríkisstjórnir innan ESB til að leita leiða til að komast hjá útburði fólk úr húsum og til þess að grípa til aðgerða, sem komi í veg fyrir að fólk, sem borið hefur verið út þurfi að halda áfram að greiða afborganir af veðlánum. Þessi samþykkt var gerð með 318 atkvæðum gegn 269 en 52 sátu hjá. Þingmenn spænska Lýðflokksins greiddu atkvæði gegn tillögunni.
Forseti Kýpur: Lánveitendur hafa tekið efnahagslíf Kýpur kverkataki
Nikos Anastasiades, forseti Kýpur segir að Kýpverjar njóti ekki sama stuðnings og Grikkland hafi fengið hjá öðrum aðildarríkjum evrunnar. Hann hefur sent bréf til þríeykisins, ESB/AGS/SE þar sem hann lýsir alvarlegum áhyggjum vegna þess að með erfiðum skilyrðum hafi efnahagslíf Kýpur verið tekið kverkataki.
Spiegel: Efasemdir hjá dómurum í stjórnlagadómstól
Þýzka tímaritið Der Spiegel segir erfitt að horfa fram hjá þeim efasemdum, sem fram hafi komið hjá þýzka stjórnlagadómstólnum í gær þegar Jorg Asmussen, fulltrúi í framkvæmdastjórn Seðlabanka Evrópu bar vitni þar í gær. Asmussen bar vitni í 75 mínútur. Hann talaði um óeðlilega háa vexti, sem Spánn og Ítalía hefðu þurft að borga af skuldabréfum sínum fyrir ári.
Mikilvæg ferð Gunnars Braga til Brussel
Gunnar Bragi Sveinsson, utanríkisráðherra, heldur til Brussel í dag. Þar mun hann eiga viðræður við ráðamenn Evrópusambandsins og gera þeim grein fyrir þeirri ákvörðun nýrrar ríkisstjórnar á Íslandi að gera hlé á viðræðum við Evrópusambandið. Ekki er við öðru að búast en forráðamenn Evrópusambandsins taki því vel. Það var ákvörðun Alþingis fyrir fjórum árum að sækja um aðild.