Föstudagurinn 9. ágúst 2013

Gíbraltar: Ekkert spennufall í samkiptum Breta og Spánverja - bresk herskip á leið til Gíbraltar

Mariano Rajoy, forsætis­ráðherra Spánar, segir að stjórn sín muni stíga öll „lögmæt og hæfileg skref“ eftir að Bretar ákváðu að senda herskip í heimsókn til Gíbraltar.

Haglél veldur tjóni á þúsundum nýrra Volkswagen bíla

Þúsundir nýrra bíla frá Volkswagen sem stóðu við bílasmiðjur fyrirtækisins í Wolfsburg urðu fyrir tjóni í lok júlí þegar gerði mikið haglél. Fyrirtækið segir að þetta valdi töfum á afgreiðslu nýrra bíla til viðskiptavina og biður þá að sýna þolinmæði. Í haglélinu seinni hluta júlí voru sum höglin á stærð við golfkúlur þegar þau komu til jarðar.

Eiffel-turninum lokað af ótta við hryðjuverk

Eiffel-turninum var lokað í tvær klukkustundir síðdegis föstudaginn 9. ágúst af ótta við hryðjuverk. Ekki er óalgengt að haft sé í hótunum um óhæfuverk við fræga franska ferðamannastaði en viðbrögðin nú er óvenjulega snörp vegna viðvarana frá Bandaríkjunum um hættu á hryðjuverkum um heim allan. Í ...

Kýpur: Gefa út vegvísi um afnám gjaldeyris­hafta-tekur nokkur ár

Stjórnvöld á Kýpur hafa gefið út vegvísi um afnám gjaldeyris­hafta í landinu að því er fram kemur á euobserver, en það mun taka nokkur ár, segir vefmiðillinn. Þessi vegvísir var gefinn út í gær af fjármála­ráðuneytinu. Fyrstu þrír kaflar vegvísisins snúast um meðferð fjármuna innan Kýpur en sá fjórði um frjálst flæði fjármagns yfir landamæri.

Holland: Mótmælaaðgerðir-verulegur stuðningur við brottför af evru­svæðinu

Í gær efndu verkalýðs­samtök í Hollandi til mótmælaaðgerða fyrir utan þinghúsið. Tilefnið var að mótmæla niðurskurði og aðhaldsaðgerðum á fjárlögum næsta árs til þess að halda fjárlagahallanum undir þeim 3%, sem ESB kveður á um. Financial Times segir ekki ljóst hvort ríkis­stjórnin hafi afl til þess á þingi að fá þann niðurskurð samþykktan.

Brezk herskip heimsækja Gíbraltar

Brezk herskip eru nú að leggja af stað til Miðjarðarhafs með viðkomu í Gíbraltar að því er fram kemur í Daily Telegraph. Um er að ræða þrjú skip sem þangað koma, Heimsókn þeirra vekur athygli vegna þeirrar hörðu deilu,sem upp er komin á milli Spánverja og Breta um Gíbraltar. Ráðherra Gíbraltar hefur óskað eftir slíkri heimsókn.