Þriðjudagurinn 10. september 2013

Helmut Kohl hampar frjálsum demókrötum - segir aðild Grikkja að evru-svæðinu hafa verið mistök

Helmut Kohl, fyrrverandi Þýskalandskanslari, hefur lýst aðild Grikkja að evru-svæðinu og brotum Þjóðverja sjálfra á fjárlaga­reglum ESB sem lykilþáttum að baki kreppunni á svæðinu.

Franska ríkis­stjórnin herðir baráttu gegn trúartáknum í skólum og öðrum opinberum byggingum

Franska ríkis­stjórnin hefur hafið baráttu til að minna á bann gegn trúarlegum táknum í skólum. Frönsk lög frá 1905 mæla fyrir um aðskilnað ríkis og kirkju. Árið 2003 beitti Jacques Chirac Frakklands­forseti sér fyrir banni við öllum trúartáknum í opinberum byggingum.

Bandaríkin: Öldunga­deildarþingmenn beggja flokka vilja skjóta atkvæða­greiðslu um hernað á frest - kanna tillögu Rússa um eyðingu sýrlenskra efnavopna

Átta öldunga­deildarþingmenn úr báðum flokkum Bandaríkjaþings auk fulltrúa Bandaríkjaforseta hafa slegist í hóp þeirra sem leita á alþjóða­vettvangi að leið til að koma í veg fyrir árás Bandaríkjahers á Sýrland vegna beitingar efnavopna í borgarastríðinu þar.

Frakkar undirbúa tillögu í öryggisráðinu - vilja knýja Sýrlendinga til að afsala sér efnavopnum - er um rússneska gildru að ræða?

Sýrlensk stjórnvöld hafa fallist á tillögu Rússa um að láta af hendi efnavopn sín.

Dómsmála­stjóri ESB vill ganga á rétt aðildarríkja og stíga skref til sambandsríkis

Viviane Reding, dómsmála­stjóri ESB, vill að framkvæmda­stjórn ESB fái fleiri tækfæri til eftirlits með ESB-ríkjum og til að refsa þeim sem ekki fara að settum reglum. Hún telur að nú hafi framkvæmda­stjórnin of fá úrræði til að taka á þeim ríkjum sem virða ekki regluverk sambandsins. Á þessum vanda verði tekið með meira yfirþjóðlegu valdi hjá framkvæmda­stjórninni í Brussel.

Moscow News: Kosningarnar í Moskvu efla stjórnar­andstöðuna í Rússlandi

Á vefsíðu The Moscow News er spurt hvort Alexei Navalny, sem keppti við Sobyanin, borgar­stjóra Moskvuborgar um það embætti hafi raunverulega tapað. Borgar­stjórinn hafi með kosningunum viljað fá lögmætt umboð kjósenda, en hann var skipaður í embættið af Pútín 2010 en í þess stað hafi stjórnar­andstaðan í Rússlandi fengið ákveðna löggildingu vegna þess að Navalny náði yfir 27% fylgi í kosningunum.

Barents Observer: Olíuflutningaskip á reki eftir árekstur við hafís á Norðaustursiglingaleið

Olíuflutningaskipið Nordvik, sem í síðustu viku skemmdist vegna hafíss á Norðaustursiglingaleiðinni er enn á svæðinu og bíður eftir því að verða affermt og síðan dregið til lands. Skipið er fullt af dísilolíu en byrjaði að taka inn á sig sjó. Sementspokar hafa verið notaðir til að fylla upp í gatið sem kom á skipið, þegar það rakst á ísinn.

Grikkland: Kennarar efna til nýrrar tegundar verkfalla-ná til fimm daga í einu

Framhaldsskóla­kennarar í Grikklandi hafa ákveðið að efna til verkfalls, sem nær til fimm daga í einu. Í lok þess tímabils verður tekin ákvörðun um hvort verkfalli verður haldið áfram.