Sunnudagurinn 17. nóvember 2013

Danmörk: Lars Løkke Rasmussen fellur á trúverðugleikaprófi

Greiningar­fyrirtækið Wilke í Danmörku hefur gert könnun fyrir Jyllands-Posten á trúverðugleika stjórnmálaforingja.

Kanada: Sannleiks­nefnd um örlög barna indíana og inúíta fær leyndarskjöl

Frá 2009 hefur sérstök nefnd, Sannleiks- og sátta­nefndin, unnið að því í Kanada að kanna örlög um 150.000 barna af ættum indíána og inúíta sem tekin voru nauðug frá foreldrum sínum og sett í heimavistarskóla til að ala þau upp sem „hvít“. Nefndin átti að ljúka störfum um mitt ár 2014 en hefur nú f...

Grikkland: Ótti við vítahring hryðjuverka - vinstrisinnar lýsa hefndarmorðum á hendur sér

Áður óþekktur hópur vinstrisinna í Grikklandi sem á ensku er kallaður + The People's Struggling Revolutionary Powers+ hefur lýst ábyrgð á sínar hendur vegna skotárása og morðs á tveimur félögum í öfga-hægri­flokknum Gullinni dögun. Lög­reglan rannaskar réttmæti yfirlýsingar hópsins. Vinstrisinnarnir segjast hafa hefnt morðsins á rapparanum Pavlos Fyssas.

Noregur: Nýskipan við stjórn Evrópu­mála með nýrri ríkis­stjórn - EES-mál eru innanríkismál en ekki utanríkismál

Við stjórnar­skiptin í Noregi um miðjan október þegar Erna Solberg, formaður Hægri­flokksins, varð forsætis­ráðherra, skipaði hún Vidar Helgesen, flokksbróður sinn sem Evrópu­ráðherra auk þess sem hann fer með stjórn innri mála í forsætis­ráðuneytinu hjá Solberg. ´ Á norsku er embættisskyldum Vidars Helgesens lýst á hann þann veg að hann sé +„statsråd og stabssjef ved Statsministerens kontor.

Finnland: Um 120 þúsund heimili urðu rafmagnslaus í morgun vegna ofsaveðurs

Um 120 þúsund heimili í Finnlandi eru rafmagnslaus eftir ofsaveður, sem gekk þar yfir í morgun, sunnudagsmorgun. Veðrið gekk á land í Finnlandi snemma í morgun og skildi eftir sig slóð af föllnum rafmagnslínum. Í mörgum tilvikum féllu tré á línurnar.

Samar í Svíþjóð leita til Sameinuðu þjóðanna

Samar í Norður-Svíþjóð hafa gripið til þess ráðs að leita til stofnunar á vegum Sameinuðu þjóðanna, sem vinnur gegn kynþáttamisrétti til að stöðva námuvinnslu á sínum heimaslóðum. Talsmaður Sama segir í samtali við Barents Observer að Samar eigi umrætt land­svæði vegna þess að þeir hafi nýtt það svo lengi sem sögur herma.

Svíþjóð: Yfir 30 þúsund heimili rafmagnslaus eftir óveður í gærkvöldi

Um 30 þúsund heimili í Norður-Svíþjóð eru rafmagnslaus og fallinn tré loka vegum eftir ofsaveður, sem gekki yfir í gærkvöldi. Veðrið gekk yfir Jamtland, Norrbotten og Vasterbotten. Í Svíþjóðar­útgáfu The Local er talin hætta á að einhver heimili verði enn rafmagnslaus á morgun, mánudag.

Frakkland: Þúsundir flutningabíla stöðvuðu umferð víðs vegar um landið í gær

Þúsundir flutningabíla lokuðu þjóðvegum um allt Frakkland í gær, laugardag, til að mótmæla umhverfisskatti, sem á að leggja á slík ökutæki. Lög­reglan áætlaði að um 2000 bílar hefðu tekið þátt í aðgerðunum en þeir sem stjórnuðu þeim sögðu að um 4000 flutningabílar hefðu tekið þátt. Þeir óku hægt og lokuðu umferð inn og út úr borgum.

Rachida Dati: Evrópa hefur keyrt á vegg-leiðtogarnir eru vandamálið

Fólkið er ekki að hafna Evrópu, fólkið er að hafna „eurokrötunum“ (embættismannakerfinu), segir Rachida Dati, fyrrum dómsmála­ráðherra í ríkis­stjórn Sarkozy í samtali við Sunday Telegraph í dag. Hún segir að það sé andúð fólks á embættismannaliðinu í Brussel, sem sé undirrót vaxandi stuðnings kjósenda við pópúlíska flokka í Evrópu og jafnvel öfga­flokka.