Fimmtudagurinn 12. desember 2013

BBC segir frá dómi yfir Kaupþingsmönnum

BBC birtir frétt fimmtudaginn 12. desember um að fjórir fyrrverandi „bosses“ frá íslenska bankanum Kaupþingi hafi verið dæmdir í þriggja til fimm ára fangelsi. Þeir hafi verið ákærðir fyrir að leyna þeirri staðreynd að fjárfestir frá Qatar hafi keypt hlut í bankanum fyrir fé sem bankinn hafi lán...

Rússland: Hæstiréttur vill endurupptöku sakfellingar yfir tveimur Pussy Riot stúlkum

Hæstiréttur Rússland hefur gagnrýnt sakfellingu yfir tveimur sakborningum af þremur í Pussy Riot hópnum og gefið fyrirmæli um endurupptöku.

Rússar efla herviðbúnað á norðurslóðum - senda flota­deild frá Múrmansk til Kyrrhafs - endurgera herflugvelli

Rússar munu auka herafla sinn á norðurslóðum á árinu 2014 til að tryggja hernaðarlegt öryggi og vernda þjóðar­hagsmuni sína á svæðinu. Vladimír Pútín Rússlands­forseti segir þetta meðal helstu forgangsverkefna ríkis­stjórnar sinnar.

Pútín segir alrangt að hann beiti Úkraínumenn þrýstingi - þeir ráði sér sjálfir

Vladimir Pútín Rússlands­forseti hefur lýst trú á að unnt verði að finna pólitíska lausn á deilunum í Úkraínu. Hann segist ekki hafa lagt neinn þrýsting á stjórnina í Úkraínu til að knýja hana til aðildar að tollabandalagi við Rússa.

Kínversk-norræn norðurskauts-rannsókna­stofnun kemur til sögunnar í Shanghai

Kínversk-norræn norðurskauts-rannsókna­stofnun kom til sögunnar í Shanghai í Kína þriðjudaginn 10. desember. Að henni standa 10 rannsókna­stofnanir í Kína, Danmörku, Finnlandi, Noregi, Svþjóð og á Íslandi. Markmiðið er að efla gagnkvæmt samstarf við norðurkautsrannsóknir. Í frétt Xinhua-fréttastofun...

Ítalía: Berlusconi segir að fangelsun hans þýddi byltingu

Berlusconi, fyrrum forsætis­ráðherra Ítalíu, sagði í útvarpsviðtali í morgun að yrði hann settur í fangelsi yrði gerð bylting á Ítalíu. Hann sagði að erfitt yrði að setja sig í fangelsi. Hann muni fá meirihluta á ítalska þinginu í næstu kosningum og hann sé orðinn svo gamall að hann hræðist ekki neitt.

Frakkland: Frakkar eru svartsýnir,sundraðir og bitrir

Frakkar eru almennt svartsýnir um framtíðina, sundraðir og bitrir að því er fram kemur í tveimur skoðanakönnunum, sem birtar hafa verið í Frakklandi. Um 74% Frakka telja að Frakkland sé hnignandi veldi. Meira en þriðjungur telur að það sé þróun, sem ekki verði snúið við.

Þýzkaland: Ný ríkis­stjórn á laugardag?

Í dag er síðasti dagur, sem flokksbundnir meðlimir þýzka jafnaðarmanna­flokksins, SPD, geta sent inn atkvæði sín um málefnasamning Kristilegra og jafnaðarmanna. Búizt er við að niðurstaða atkvæða­greiðslunnar liggi fyrir á laugardag. Verði samkomulagið samþykkt má búast við að ný ríkis­stjórn verði kynnt sama dag að sögn Þýzkalandsútgáfu evrópska vefmiðilsins TheLocal.

Úkraína: Auðmenn snúast til fylgis við mótmælendur-Bandaríkin hóta refsiaðgerðum

Financial Times segir í morgun að í gærkvöldi hafi staða Viktors Yanukovich, forseta Úkraínu verið orðin mjög viðkvæm og vísbendingar um að ýmsir auðmenn í Úkraínu séu að taka málstað mótmælenda. Þúsundir streymdu út á götur en fyrr um daginn hafði óeirðalög­regla dregið sig í hlé og hætt afskiptum af mótmælendum.

ESB greiðir laun til opinberra starfsmanna á Gaza sem sækja ekki vinnu - athugasemd frá endurskoðendum

Endurskoðendur Evrópu­sambandsins segja að ESB eigi að hætta að greiða laun þúsunda opinberra starfsmanna Palestínu á Gaza-svæðinu sem stunda enga vinnu.