Sunnudagurinn 19. janúar 2014

ESB áréttar kröfur um að Norðmenn afnemi ofurtolla á osti og kjöti - ekki samstaða á stórþinginu

Framkvæmda­stjórn Evrópu­sambandsins krefst þess að Norðmenn afnemi ofurtolla á osti og kjöti.

Nýr flötur á ástarævintýri Frakklandsforseta: Þriggja hjóla vélhjólið ítalskt ekki franskt

François Hollande Frakklands­forseti notar þriggja hjóla vélhjól sem smíðað er hjá ítalska fyrirtækinu Piaggio þótt franska fyrirtækið Peugeot smíði einnig slík hjól í smiðju sinni í Doubs í Frakklandi.

Obama heitir betri réttarstöðu almennings gagnvart njósna­stofnunum - leiðtogar samstarfþjóða almennt ekki hleraðir - orð en engin breyting segir ESB-þingmaður

Barack Obama Bandaríkja­forseti hét því í sjónvarpsræðu föstudaginn 17. janúar að hætt yrði að njósna um leiðtoga ESB-ríkjanna eða stunda efnahagsnjósnir, áfram yrði hins vegar haldið að safna upplýsingum um almenna borgarar í Bandaríkjunum og Evrópu. ESB-þingmenn taka orðum hans með fyrirvara. „Ég ...

Pútín: Það versta og hættulegasta fyrir stjórnmálamann að reyna að hanga á völdum

Pútín, Rússlands­forseti sagði í morgun, að það væri of snemmt að segja til um hvort hann mundi bjóða sig fram á ný til forseta, þegar kosningar fara fram á árinu 2018. Hann sagði að það versta og hættulegasta sem gæti komið fyrir stjórnmálamann væri að reyna að hanga á völdunum hvað sem það kostaði...

Spánn: Rajoy segir ómögulegt að eiga skoðanaskipti við Mas sem taki geðþóttaákvarðanir

Mariano Rajoy, forsætis­ráðherra Spánar segir ómögulegt að halda uppi nokkrum skoðanaskiptum við Artur Mas, forsætis­ráðherra heima­stjórnar Katalóníu vegna þess að hann hafi tekið geðþóttaákvarðanir með því að keyra í gegn heimaþing héraðsins tillögu sem eigi að heimila þjóðar­atkvæða­greiðslu í Katalóníu um sjálfstæði síðar á þessu ári.

Grikkland: Þingkosningar í október?

SYRIZA, bandalag vinstri flokka í Grikklandi hefur nú við orð að þvinga fram þingkosningar í febrúar í tengslum við kjör nýs forseta Grikklands. Yfirlýsing SYRIZA þessa efnis hefur orðið til þess að Samaras, forsætis­ráðherra og hans menn íhuga nú endur­skipulagningu ríkis­stjórnar­innar eða að verða fyrri til og tilkynna að þingkosningar fari fram síðar á þessu ári.

Vince Cable: Erlendir fjárfestar hafa áhyggjur af brottför Breta úr ESB

Vibnce Cable, viðskipta­ráðherra Breta (úr Frjálslynda flokknum) segir að því er fram kemur í brezka sunnudagsblaðinu The Observer í dag að erlendir fjárfestar hafi áhyggjur af því að Bretland fari úr Evrópu­sambandinu og segir að sá ótti geti haldið þeim frá fjárfestingum í Bretlandi.

Bretland: Uppreisnarhópur í Íhalds­flokknum setur Cameron tímamörk

„Uppreisnarmenn“ innan þing­flokks brezka Íhalds­flokksins hafa sett David Cameron sex vikna tímamörk til þess að leggja fram skýra áætlun um hvernig hann ætli að endurheimta ákvarðanatöku frá Brussel eigi að koma í veg fyrir ófarnað flokksins í kosningum til Evrópu­þingsins í vor. Frá þessu segir The Sunday Telegraph í dag.