Föstudagurinn 31. janúar 2014

Frakklands­forseti segir ekki forgangsverkefni að fara að óskum Camerons

François Hollande Frakklands­forseti sagði á blaðamannafundi í Englandi föstudaginn 31. janúar að loknum fundi með David Cameron forsætis­ráðherra að enginn gæti vænst þess að Evrópu­sambandið „færi að fordæmi“ eins lands. Hann taldi „ekki forgangsverkefni um þessar mundir“ að verða við óskum Camerons...

Rússland: Um 25% karla falla frá fyrir 55 ára aldur - vodkadrykkja leiðir flesta til bana - sveiflast eftir stjórnmálaástandi

Niðurstöður rannsókna um dauðsföll karlmanna í Rússlandi sem birtist í læknatímaritinu Lancet sýna að 25% rússneskra karlmanna deyja áður en þeir verða 55 ára, flestir vegna áfengisneyslu. Í Bretlandi deyja 7% karla fyrir 55 ára aldur. Dánarorsakir yngri en 55 ára í Rússlandi má einkum rekja til lifrarveiki og áfengiseitrunar. Margir verða einnig fyrir slysum í slagsmálum.

Vandræðalegt sendiherrahefni í Noregi safnaði miklu fé fyrir Obama

Geroge Tsunis, verðandi sendiherra Bandaríkjanna í Noregi sem hljóp illa á sig fyrir öldunga­deild.

Svíþjóð: Öfgasinnaðir múslimar vaxandi ógn

Í nýrri skýrslu, sem unnin hefur verið á vegum sænskra stjórnvalda kemur fram, að öfgasinnaðir múslimar séu vaxandi ógn í Svíþjóð. Aðal hættan stafi frá þeim, sem hafi farið til átakasvæða og fengið þar hernaðarþjálfun. Í skýrslunni kemur fram að þessir hópar telji Svíþjóð æskilegt skotmark og þá sérstaklega einstaklingar, sem hafi gert lítið úr Islam.

Belgía: Stjórnvöld vísa 2712 borgurum ESB-ríkja úr landi

Belgísk stjórnvöld hafa skrifað 2712 borgurum í aðildarríkjum ESB bréf og vísað þeim úr landi á þeirri forsendu að þeir séu óréttlætanleg byrði fyrir velferðarkerfi landsins. Meirihluti þeirra, sem hafa fengið slíkt bréf eru frá Búlgaríu og Rúmeníu en næst í röðinni eru Spánverjar og Ítalir. Á meðal þeirra, sem fengið hafa slíkt bréf eru námsmenn og atvinnulausir.

Grikkland: Samaras hafnar hugmyndum um samstarf við SYRIZA og nýjar kosningar

Antonis Samaras, forsætis­ráðherra Grikklands vísaði því á bug í gær að hugmyndir væru um samstarf Nýja Lýðræðis­flokksins og SYRIZA, bandalags vinstri manna í ríkis­stjórn. Þetta kom fram í ræðu Samaras á fundi með þingmönnum flokks hans. Hann hafnaði einnig hugmyndum um að efna til þingkosninga nú. Samaras sagði að Grikkir hefðu staðið við skuldbindingar sínar gagnvart lánardrottnum.