Mánudagurinn 21. apríl 2014

Pútín vill heimila spilahallir til að bjarga efnahag Krím - veitir Tatörum borgararéttindi

Vladimír Pútín Rússlands­forseti hefur lagt fram frumvarp til laga þar sem heimilað er að reka spilahallir á Krímskaga sem hefur verið innlimaður í Rússland. Nú er heimilt að reka spilahallir á fjórum svæðum í Rússlandi. Þau eru öll langt frá Mosvku. Krím verður fimmta svæðið verði tillaga Pútíns samþykkt. Pútín hefur kynnt átak til að efla efnahags- og atvinnulíf á Krímskaga.

Bandarískir fjölmiðlar segja staðfest að leynilegir rússneskir útsendarar standi að baki aðskilnaðarsinnum í Austur-Úkraínu

Embættismenn stjórnvalda í Úkraínu segja að leynisveitir og njósnarar á vegum stjórnvalda í Moskvu standi að baki aðgerðum aðskilnaðarsinna í austurhluta landsins.

Bretland: Cameron sakaður um að stuðla að sundrungu sam­félagsins með stuðningi við kristna trú

David Cameron, forsætis­ráðherra Breta, er sakaður um að sá sundurlyndi og ýta undir sértrúnað þegar hann fullyrðir að Bretland sé „kristið land“. Þetta kemur fram í grein sem John Bingham, blaðamaður um trúmál hjá The Daily Telegraph, skrifar og birtist á vefsíðu blaðsins mánudaginn 21. apríl. Bl...

Spánn: Baskar vilja sjálfstæði í áföngum

Þjóðernissinna­flokkur Baskalands, sem er meira en 100 ára gamall vill eigið ríki ásamt Navarre og baskahéruðum í Frakklandi en hafnar bæði hugmyndum Sósíalista­flokksins á Spáni um eins konar sambandsríki og því sjálfstæði sem Katalóníubúar berjast fyrir. Þetta kemur fram í spænska dagblaðinu El País.

FT: Vaxta­byrði fimm jaðarríkja evru­svæðisins eykst stöðugt

Financial Times segir að fimm jaðarríki evru­svæðisins, Portúgal, Írland, Ítalía, Grikkland og Spánn, þurfi að greiða meira en 130 milljarða evra í vexti á þessu ári. Þrátt fyrir aðgerðir síðustu ára aukist vaxta­kostnaður þessara ríkja. Þau greiði nú um 10% af tekjum sínum í vexti á sama tíma og hin evruríkin þrettán borgi að jafnaði 3,5% af sínum tekjum í vexti.

Sergei Lavrov sakar stjórnvöld í Kiev um að brjóta samkomulagið

Sergei Lavrov, utanríkis­ráðherra Rússlands, segir að stjórnvöld í Kiev hafi brotið samkomulagið sem gert var í Genf á skírdag með því að afvopna ekki ólöglega hópa og þá sérstaklega öfgahópa til hægri. Hann segir að öfgamenn stjórni ferðinni og beri ábyrgð á skotárásum í námunda við Sloviansk í austurhluta Úkraínu. Lavrov fordæmdi líka áframhaldandi mótmæli á Maidan-torgi í Kiev.