Laugardagurinn 26. apríl 2014

Slóvakar gera gassölusamning við Úkraínumenn

Samkomulag hefur tekist milli stjórnvalda í Slóvakíu og Úkraínu um að Slóvakar selji Úkraínumönnum gas til að draga úr þörf þeirra fyrir gas frá Rússlandi.

Tveir páfar teknir í dýrlingatölu - búist við milljón manns í Róm

Jóhannes Páll páfi II. og Jóhannes páfi XXIII. verða teknir í dýrlingatölu sunnudaginn 27. apríl við hátíðlega athöfn í Róm undir forystu Frans páfa en talið er líklegt að Benedikt páfi XVI. verði einnig við athöfnina sem er einstæð í allri sögu rómversk kaþólsku kirkjunnar. Benedikt XVI. tók við em...

Úkraína: Aðskilnaðarsinnar hafa tekið ÖSE-fulltrúa sem gísla - segja þá njósnara NATO - Þjóðverjar leggja hart að Rússum

Aðskilnaðarsinnar úr hópi Rússavina í Úkraínu sem hafa sendimenn frá Öryggissamvinnu­stofnun Evrópu (ÖSE) í gíslingu segja þá vera „njósnara NATO“. Stjórnvöld í Moskvu segjast ætla að gera allt í þeirra valdi til að fá þá lausa. Frank-Walter Steinmeier, utanríkis­ráðherra Þýskalands, ræddi spennuásta...

Finnland: Tveir af hverjum þremur liðsforingjum vilja aðild að NATÓ

Liðsforingjar í finnska hernum hafa vaxandi áhyggjur af áformum Rússa að því er fram kemur í könnun á meðal þeirra, sem finnska dagblaðið Helsinki Sanomat hefur framkvæmt í samvinnu við starfsmanna­samtök hersins.

Bretland: Nýjar og strangari reglur um veðlán geta stöðvað verðhækkun á fasteignum

Nýjar og strangari reglur vegna fasteignalána í Bretlandi, sem eru að ganga í gildi gæltu leitt til þess að verðhækkun á fasteignum þar í landi stöðvist að mati sér­fræðinga, sem Daily Telegraph talar við. Gert er ráð fyrir að þúsundum lánaumsókna, sem áður hefðu verið samþykktar verði hafnað. Sumir ganga svo langt að segja að hinar nýju lána­reglur geti kæft í fæðingu uppsveiflu á húsnæðis­markaði.

Frekari refsiaðgerðir gegn Rússum á mánudag-beinast að bönkum og orkufyrirtækjum

Leiðtogar G-7 ríkjanna ákváðu í morgun, laugardagsmorgun, að beita Rússa frekari refsiaðgerðum vegna Úkraínu og búizt er við að Bandaríkin skýri frá þeim þegar á mánudag. Þessar nýju refsiaðgerðir munu beinast að einstaklingum og fyrirtækjum í ákveðnum geirum atvinnulífsins í Rússlandi og þá sérstaklega bönkum og orkufyrirtækjum að sögn Reuters-fréttastofunnar.