Mánudagurinn 28. apríl 2014

ESB fjölgar Rússum á bannlista um 15 - skotið á borgar­stjóra - Þjóðverjar vilja að Rússar leysi gísla úr haldi

Bandaríkja­stjórn og Evrópu­sambandið hafa hrundið nýjum refsiaðgerðum gegn rússneskum einstaklingum og fyrirtækjum í framkvæmd. Þar koma fyrirtæki tengd Vladimír Pútín Rússlandsforseta við sögu. Aðskilnaðarsinnar í austurhluta Úkraínu halda áfram að leggja undir sig opinberar byggingar í borgum og bæjum.

Bandaríkja­stjórn beinir refsiaðgerðum vegna Úkraínu að innsta hring Pútíns

Bandaríkja­stjórn kynnti mánudaginn 28. apríl nýjar refsiaðgerðir á hendur Rússum vegna deilunnar um Úkraínu. Aðgerðirnar beinast gegn lykilmönnum í rússneska stjórnkerfinu og fyrirtækjum sem tengjast nánustu samstarfsmönnum Pútíns. Markmiðið er að knýja Rússa til að láta af þrýstingi og hótunum í ...

Brussel: Fundur sendiherra í dag um nýjan svartan lista

Sendiherrar frá aðildarríkjum ESB koma saman til fundar í Brussel í dag til þess að bæta nýjum nöfnum á svartan lista ESB yfir rússneska ráðamenn sem refsiaðgerðum er beint að vegna Úkraínumálsins. Tengsl eru á milli ESB-ríkjanna, Bandaríkjanna, Kanada og Japans vegna þessara aðgerða.

Forseti Finnlands: ESB verður að huga að nýjum refsiaðgerðum gagnvart Rússum

Sauli Niinistö, forseti Finnlands sagði í gær, sunnudag, að Evrópu­sambandið yrði að huga að nýjum refsiaðgerðum gegn Rússum, ef engar vísbendingar komi fram um að öldur lægi í Úkraínu. Ummæli forsetans vekja athygli vegna náinna samskipta Rússa og Finna.

Úkraína: Aðskilnaðarsinnar tóku lög­reglustöð og ráðhús Konstantinovka í morgun

Aðskilnaðarsinnar í austurhluta Úkraínu tóku í morgun á sitt vald lög­reglustöð í borg sem heitir Konstantinovka og hafa líka tekið ráðhús borgarinnar. Kröfurnar eru hinar sömu og áður að sögn talsmanns héraðs­stjórnar Donetsk, þjóðar­atkvæði og eins konar sambandsríki. Sjónarvottur telur að um 20 grímuklæddir menn ráði nú ráðhúsi borgarinnar.