Miðvikudagurinn 28. maí 2014
Er ný bylting í flokkaskipan í Bretlandi framundan?
Úrslit kosninganna til Evrópuþingsins hafa orðið til þess, að David Cameron, forsætisráðherra Breta hefur fengið sterkari viðspyrnu en áður í baráttu sinni fyrir því að ESB snúi af þeirri leið sem sambandssinnar í Evrópu hafa markað og fylgt fram í allmörg undanfarin ár undir forystu framkvæmdastjórnarinnar.
Barátta Sveinbjargar Birnu ber árangur
Sveinbjörg Birna Sveinbjörnsdóttir, oddviti Framóknarflokks og flugvallarvina, kæmist inn í borgarstjórn Reykjavíkur yrðu úrslit kosninganna eins og nýjasta könnun MMR sýnir. Undir forystu Sveinbjargar Birnu hefur listinn dregið að sér verulega athygli undanfarna daga. Sveinbjörg Birna hefur sætt ámæli fyrir andstöðu sína gegn mosku en umræðurnar hafa ekki dregið úr fylgi við hana.
Sjálfstæðisflokkur í Reykjavík: Stuðningsmenn í leit að kosningabaráttu
Þegar sjálfstæðismenn í Reykjavík hittast á förnum vegi er umræðuefnið gjarnan hvort viðmælandinn hafi orðið var við kosningabaráttu Sjálfstæðisflokksins. Hún þykir ekki mjög sýnileg. Hvar eru kosningafundir um baráttumál flokksins? Eru fundir kannski úreltir? Sumum finnst undarlega lítið um að frambjóðendur skrifi greinar í blöð. Er það kannski líka úrelt að kynna stefnumál með þeim hætti?