Eru ummæli forseta ASÍ vísbending um breytt viðhorf?
Gylfi Arnbjörnsson, forseti ASÍ er svartsýnn í Morgunbaðinu í dag. Hann segir:
„Seðlabankinn bendir á að atvinnuleysi fari minnkandi. Það er rétt en því miður fyrst og fremst vegna þess að fólk er að fara út af vinnumarkaði, missa bótarétt eða flytja til útlanda en ekki vegna þess að störfum sé að fjölga. Að óbreyttu verður atvinnuleysi langt yfir því, sem getur talizt viðunandi á árunum 2014-2015.“
Þetta eru þung orð. Ekki sízt vegna þess, að þau koma frá manni, sem óumdeilanlega hefur haldið verndarhendi yfir núverandi ríkisstjórn.
Er hugsanlegt að það sé að breytast? Það er ekki hægt að útiloka það. Forystusveit Alþýðusambands Íslands hlýtur að sjá eins og allir aðrir að það er alger stöðnun búin að vera í atvinnuuppbyggingu á Íslandi síðustu þrjú ár. Þótt hrunið hafi verið alvarlegt áfall hefði það ekki þurft að koma í veg fyrir framkvæmdir í Helguvík eða á Bakka. Hvoru tveggja hefur stöðvast.
Þótt ágreiningur sé uppi um hversu hátt veiðigjald eigi að vera í sjávarútvegi réttlætir sá ágreiningur ekki að atvinnugreininni sé hleypt í slíkt uppnám, sem nú blasir við.
Þótt einhverjum kunni að þykja fáránlegt að það sé sagt þá hagar ríkisstjórnin sér eins og hún sé andvíg því að byggja atvinnulífið upp og grípa þau tækifæri, sem við blasa.
Forysta verkalýðshreyfingarinnar hlýtur að finna óánægju félagsmanna sinna af þessum sökum. Og væntanlega endurspegla ummæli forseta ASÍ þann veruleika, sem við honum blasir í eigin samtökum.
Það er kannski að skapast jarðvegur fyrir því að mynda pólitíska breiðfylkingu stjórnmálaflokka og hagsmunasamtaka um uppbyggingu atvinnulífsins með raunhæfum hætti?
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- FréttHæðst að skriffinnum ESB vegna ólívuolíunnar - sagt minna á bannið við bognum agúrkum
- LeiðariFrakklandsforseti skellir skuldinni á ESB
- Í pottinumÞau fengu tækifæri og klúðruðu því
- FréttDepardieu býr sig undir að eignast kaffihús í Rússlandi
- LeiðariHvað eru Danir að gera í Norðurskautsráðinu? - Þar eiga Grænlendingar að sitja
- FréttKýpur: Um 60% viðskiptavina eins banka hugsanlegir aðilar að peningaþvætti
- FréttPortúgal: 82,5% vilja rifta samningnum við þríeykið og fá hagstæðari lánskjör
- StjórnmálavaktinKosningar meðal Sama í Svíþjóð-réttur hreindýrahjarða eitt helzta kosningamálið
- FréttSpánn: Mikill almanna stuðningur við 15-M mótmælendur
- FréttDT: Hefur Frakkland efni á að taka þátt í næstu björgun ESB?
Kosningar meðal Sama í Svíþjóð-réttur hreindýrahjarða eitt helzta kosningamálið
Í gær fóru fram í Svíþjóð kosningar til þings Sama, sem kemur fram fyrir hönd Sama í Svíþjóð. Slíkar kosningar fara fram á fjögurra ára fresti. Evrópuvaktin hefur ekki upplýsingar um hvort úrslit kosninganna liggja fyrir eða hver þau urðu. Hins vegar fjallar vefmiðillinn Alska Dispatch um þau málefni, sem brenna á Sömum í Svíþjóð um þessar mundir. Níu flokkar buðu fram í kosningunum.
Aðhaldsstefnan vekur upp siðferðilegar spurningar ekki síður en efnahagslegar
Siðferðileg álitamál verða æ ríkari þáttur í opinberum umræðum í Evrópu um evrukreppuna og afleiðingar hennar, svo sem aðhaldspólitíkina, sem Þjóðverjar hafa verið í forystu fyrir en verður stöðugt umdeildari. Reuters birtir nú í sérstökum skoðanadálki grein eftir mann að nafni Nicholas Wapshott, sem er einn af æðstu ráðamönnum Times í London.
Ummæli Charles Moore eru umhugsunarefni fyrir Árna Pál
Maður að nafni Charles Moore, skrifar reglulega dálka í brezka dagblaðið Daily Telegraph. Hann er fyrrum ritstjóri blaðsins og ritstýrði reyndar einnig tímaritinu Spectator um skeið. Hann er því innanbúðarmaður í Íhaldsflokknum og nú í apríl kom út fyrsta bindi ævisögu hans um Margréti Thatcher.
Taldi Össur stöðu Grænlands og Færeyja of mikið smámál til að ræða við Stór-Svíann Bildt?
Skömmu fyrir kosningar kom Carl Bildt, utanríkisráðherra Svíþjóðar, hingað til lands. Hann tók þátt í fundum með Össuri Skarphéðinssyni, fráfarandi utanríkisráðherra. Á að minnsta kosti einum fundanna flutti Össur svo hástemmt lof um Carl, vin sinn, að hinum sænska aðalsmanni þótti nóg um, virtist hann um tíma halda að Össur hefði brugðið sér í hlutverk uppistandarans.