Bjarni Benediktsson vill fækka þingmönnum
Í Fréttablaðinu í dag gefur Bjarni Benediktsson, formaður Sjálfstæðisflokksins til kynna að hann telji vel koma til greina að fækka þingmönnum. Þessi ummæli koma í tengslum við hugmyndir um að þeir þingmenn sem gegna ráðherraembættum hverfi frá þingmennsku á meðan þeir sinna ráðherrastörfum.
Það er sérstök ástæða til að fagna þessum ummælum formanns Sjálfstæðisflokksins. Þau eru vísbending um að forystusveit flokksins sé að átta sig á að yfirbyggingin á íslenzka lýðveldinu er alltof mikil og kostnaðarsöm.
Það hefur orðið gjörbreyting á samgöngum og samskiptum. Þessi breyting þýðir, að það er mun auðveldara fyrir þingmenn að vera í sambandi við kjósendur sína og ferðast um kjördæmi sín en var fyrir nokkrum áratugum. Þegar af þeim sökum á að vera auðvelt a fækka þingmönnum.
Jafnframt er full ástæða til að ræða frekari fækkun ráðherra. Þeir voru orðnir of margir og eru enn of margir. Ráðherrar eru eins og deildarstjórar í stórum fyrirtækjum. Í sumum tilvikum voru deildir þeirra (ráðuneytin) svo litlar að það var ekki full vinna að sinna stjórn þeirra. Það er ástæða til að horfast í augu við að fjölgun ráðherra og þingmanna á undanförnum áratugum hefur að einhverju leyti byggzt á pólitískum forsendum innan flokkanna, ekki nauðsyn vegna þjóðarhags.
Úr því að 6-7 manna ráð getur stjórnað Sviss, þarf ekki fleiri til að stjórna íslenzka lýðveldinu. Úr því að Svisslendingar þurfa ekki þjóðhöfðingja til að stunda opinberar heimsóknir til annarra landa hljótum við að geta verið án þjóðhöfðingja og opinberra heimsókna og sparað okkur kostnaðinn við hvoru tveggja.
Forsetaembættið eins og það var sett upp 1944 er ekkert annað en eins konar framlenging af danska kónginum.
Nú þarf Bjarni Benediktsson að fylgja þessum hugmyndum eftir og útfæra þær. Hann mun ná til fólksins í landinu með hugmyndum sem þessum.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- StjórnmálavaktinNý ríkisstjórn fær mikinn meðbyr í upphafi
- Í pottinumHver verða viðbrögð fráfarandi stjórnarflokka?-Hafa þeir allt á hornum sér?
- LeiðariTímamót
- FréttStokkhólmur: Kveikt í bílum-íkveikjur í níu borgarhverfum-vandamál tengd innflytjendum
- FréttNý ríkisstjórn gerir hlé á aðildarviðræðum- nýjar viðræður ekki án þjóðaratkvæðagreiðslu
- FréttÍtalía: Milljónir hafa ekki efni á að hita heimili sín eða borða kjöt
- ViðskiptavaktinNýr Englandsbankastjóri: Evrópa stendur frammi fyrir stöðnun í áratug að óbreyttu
- StjórnmálavaktinUm Hróa Hött okkar tíma
- Í pottinumHin „strategíska“ spurning sem VG stendur frammi fyrir
- FréttFinnland: Verður rússneska opinbert tungumál minnihluta
Ný ríkisstjórn fær mikinn meðbyr í upphafi
Fólkið í landinu bindur miklar vonir við nýja ríkisstjórn og ekki er ólíklegt að stjórnarsáttmáli stjórnarflokkanna tveggja muni ýta undir þær vonir. Það er þess vegna ástæða til að ætla að nýr kraftur færist í þjóðlífið á næstu vikum. Fráfarandi ríkisstjórn hefur á seinni hluta kjörtímabils hennar verið eins og þungt farg á þjóðinni.
Hrói Höttur lifir góðu lífi og nú sem eins konar tákn baráttu hins almenna borgara við alþjóðlega fjármálamarkaði.
Kosningar meðal Sama í Svíþjóð-réttur hreindýrahjarða eitt helzta kosningamálið
Í gær fóru fram í Svíþjóð kosningar til þings Sama, sem kemur fram fyrir hönd Sama í Svíþjóð. Slíkar kosningar fara fram á fjögurra ára fresti. Evrópuvaktin hefur ekki upplýsingar um hvort úrslit kosninganna liggja fyrir eða hver þau urðu. Hins vegar fjallar vefmiðillinn Alska Dispatch um þau málefni, sem brenna á Sömum í Svíþjóð um þessar mundir. Níu flokkar buðu fram í kosningunum.
Aðhaldsstefnan vekur upp siðferðilegar spurningar ekki síður en efnahagslegar
Siðferðileg álitamál verða æ ríkari þáttur í opinberum umræðum í Evrópu um evrukreppuna og afleiðingar hennar, svo sem aðhaldspólitíkina, sem Þjóðverjar hafa verið í forystu fyrir en verður stöðugt umdeildari. Reuters birtir nú í sérstökum skoðanadálki grein eftir mann að nafni Nicholas Wapshott, sem er einn af æðstu ráðamönnum Times í London.